utl logo
UTL Home | Ethiopia Images | Central and Inner Asia Studies

Charter Document - 03700136

Charter Number: 03700136
Cartulary Title: Charters of Christ Church Canterbury
Charter Language: English
Charter Origin: Religious
Charter Type(s): Will
Date: 0960 - 0996
Date Type: Assigned
Resource Link(s): Anglo Saxon Charters (S 1501) eSawyer (S 1501)
map View Map
Charter:
Her cyð Æþeric on þissum gewrite hwam he geann ofor his dæig þæra æhta þe him god alæned hæfð þæt is ærest sona minum hlaforde syxti mancusa goldes et mines swyrdes mid fetele et þarto twa hors et twa targan et twegen francan et ic geann Leofwynne minan wife ealles þæs þe ic læfe hire dæig et ofor hire dæg gange þæt land on Boccinge into Cristes circean þam hirede for uncera saule et for mines fæder þe hit ær begeat eall buton anre hide ic gean into þære cyrcean þam preoste þe þar gode þeowaþ et ic geann þæs landes æt Rægene be westan into sancte Paule þam bisceope to to geleohtenne et þar on godes folce cristendom to dælenne et ic geann þarto twegra hida þe Eadric gafelaþ ælce geare mid healfum punde et mid anre garan et ic geann be eastan stræte ægþer ge wudas ge feldas Ælfstane bisceope into Coppanforde et þæs heges on Glæsne et ic geann þæs landes æt Norðho healf into sancte Gregorie on Suþbyrig et healf into sancte Eadmunde on Bedericeswyrþe Nu bidde ic þone bisceop Ælfstan þæt he amundige mine lafe et þa þincg þe ic hyre læfe et gif him god lifes geunne lencg þonne unc þæt he gefultumige þæt ælc þara þinga stande þe ic gecweden hæbbe
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter