utl logo
UTL Home | Ethiopia Images | Central and Inner Asia Studies

Charter Document - 03700137

Charter Number: 03700137
Cartulary Title: Charters of Christ Church Canterbury
Charter Language: English
Charter Origin: Royal
Charter Type(s): Confirmation
Date: 0995 - 0999
Date Type: Assigned
Resource Link(s): eSawyer (S 939) Anglo Saxon Charters (S 939)
map View Map
Charter:
+ Her swutelað on þison gewrite hu Æðelred kyning geuðe þæt Æþerices cwyde æt Boccinge standan moste hit wæs manegon earon ær Æðeric forðferde þæt ðam kincge wæs gesæd þæt he wære on þam unræde þæt man sceolde on Eastsexon Swegen underf[]n ða he ærest þyder mid flotan com et se cincg hit on mycele gewitnysse Sigerice arcebisceope cyðde þe his forespeca þa wæs for ðæs landes þingon æt Boccinge ðe he into Cristes cyrcean becweden hæfde Þa wæs he þisse spæce ægþer ge on life ge æfter ungeladod ge ungebétt oð his laf his hergeatu þam cincge to C[]cham brohte þær he his witan widan gesomnod hæfde þa wolde se cing ða spæce beforan eallon his witan uphebban et cwæð þæt Leofsige ealdorman et mænige men þære spæce gecnæwe wæron þa bd seo wuduwe Ælfric arcebisceop ðe hire forespeca wæs et Æðelmær þæt hig þone cincg bædon þæt heo moste gesyllan hire morgengyfe into christes cyrcean for ðone cincg et ealne his leodscype wið ðam ðe se cing ða egeslican onspæce alete et his cwyde standan moste þæt is swa hit herbeforan cwyð þæt land æt Boccinge into christes cyrcean et his oðre landare into oðran halgan st[]wan swa his cwyde swutelað þa god forgylde þam cincge getiðode he ðæs for christes lufan et sancta Marian et sancte Dunstanes et ealra þæra haligra ðe æt christes cyrcean restað þæs costes ðe heo þis gelæste et his cwyde fæste stode þeos swutelung wæs þærrihte gewriten et beforan þam cincge and þam witon gerædd þis syndon ðæra manna naman ðe ðises to gewittnesse wæron Ælfric arcebiscop et Ælfheh biscop on Wintaceastre et Wulfsige biscop on Dorsæton et Godwine biscop on Hrofeceastre et Leofsige ealdorman et Leofwine ealdorman et Ælfsige abbod et Wulfgar abbod et Byrhtelm abbod et Lyfincg abbod et Alfwold abbod et Æðelmær et Ordulf et Wulfget et Fræna et Wulfric Wulfrune sunu et ealle ða ðegnas ðe þær widan gegæderode wron ægðer ge of Westsexan ge of Myrcean ge of Denon ge of Englon þissa gewrita syndon þreo an is æt christes cyrcean oðer æt þæs cinges haligdome þridde hæfð seo w[]duwe
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter