Charter Document - 03700149
Charter Number: 03700149
Cartulary Title: Charters of Christ Church Canterbury
Charter Language: English
Charter Origin: Religious
Charter Type(s): Grant
Date: 1016 - 1020
Date Type: Assigned
Resource Link(s): eSawyer (S 1461) Anglo Saxon Charters (S 1461)
View Map
Cartulary Title: Charters of Christ Church Canterbury
Charter Language: English
Charter Origin: Religious
Charter Type(s): Grant
Date: 1016 - 1020
Date Type: Assigned
Resource Link(s): eSawyer (S 1461) Anglo Saxon Charters (S 1461)
View Map
Charter:
Her swutelaþ on þysan gewrite þa foreward þe Godwine worhte wið Byrhtric þa he his dohter awogode þæt is ærest þæt he gæf hire anes pundes gewihta goldes wið þonne þe heo his spæce underfenge et he geuþe hire þæs landes æt Stræte mid eallan þon þe þærto herð et on Burwaramersce oðer healf hund æcera et þærto þrittig oxna et twentig cuna et tyn hors et tyn ðeowmen Ðis wæs gespecen æt Cincgestune beforan Cnute cincge on Lyfinges arcebiscopes gewitnesse et on þæs hiredes æt Cristescircan et Ælfmeres abbodes et þæs hiredes æt Sancte Augustine et Æþelwines sciregerefan et Siredes ealdan et Godwines Wulfeages sunu et Ælfsige cild et Eadmer æt Burham et Godwine Wulfstanes sunu et Kar þæs cincges cniht et þa man þæt mædan fette æt Byrhtlingan þa eode þyses ealles on borh Ælfgar Syredes sunu et Frerþ preost on Folcestane et of Doferan Leofwine preost et Wulfsige preost et Eadræd Eadelmes sunu et Leofwine Wærelmes sunu et Cenwold rust et Leofwine Godwines sunu æt Hortune et Leofwine se reade et Godwine Eadgeofe sunu et Leofsunu his broðer et swa hwæðer heora læng libbe fo to eallan ætan ge on ðam lande þe ic heom gæf ge o ælcon þingan Ðyssa þinga is gecnæwe ælc dohtig man on Kænt et on Suþsexan on ðegenan et on ceorlan et þyssa gewrita synd ðreo an is æt Cristescyrcan oðer æt Sancte Augustine þæt þridde hæfð Byrhtric self
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
