utl logo
UTL Home | Ethiopia Images | Central and Inner Asia Studies

Charter Document - 03700153

Charter Number: 03700153
Cartulary Title: Charters of Christ Church Canterbury
Charter Language: English
Charter Origin: Religious
Charter Type(s): Declaration
Date: 1032 - 1035
Date Type: Assigned
Resource Link(s): eSawyer (S 1465) Anglo Saxon Charters (S 1465)
map View Map
Charter:
Her swutelaþ on þysan gewrite hu Cnut cyng et Ælfgifu seo hlæfdige geuþan Eadsige heora preost ða he gecyrde to munece þæt he moste ateon þæt land æt Apoldre swa him sylfan leofast wære Þa sealde he hit into Cristescyrican þæt Godes ðeowum for his sawle et he hit gebohte þæt æt þam Hirede his dæg et Ædwines mid feower pundan on þæt forwyrd þæt man gelyste ælce geare into Cristescirican iii wæga cyses of þam lande et þreo gebind æles et æfter his dæg et Ædwines gange þæt lande into Cristescirican mid mete et mid mannan eal swa hit þænne gegodod sy for Eadsiges sawle et he gebohte þæt land æt Werhornan æt ðam Hirede his dage et Eadwines eac mid feower pundan ðænne gað þæt land forð mid þam oþran æfter his dæge et Edwines into Cristescirican mid ðære tilþe þe þar þænne on si et þæt land on his dæg æt Berwican ðe he geearnode æt his hlaford Cnute cynge et he geunn eac þæs landes æt Orpedingtune on his dæge for his sawle into Cristescyrican ðam Godes ðeowum to scrudland ðe he gebohte mid hundeahtigan marcan hwites seolfres be hustinges gewihte et he geun eac ðæs landes æt Palstre et æt Wihtriceshamme æfter his dæge et Edwines forð mid ðam oðrum ðam Godes ðeowum to fostorlande for his sawle Ðises cwides he geunn ðam Hirede to þam forwyrdan þæt hi æfre hine wel healdan et him holde beon on life et æfter life et gif hi mid ænegan unrede wið hine ðas forwyrd tobrecan þænne stande hit on his agenan gewealde hu he siþþan his agen ateon wille Ðises is to gewitnesse Cnut cyng et Ælfgifu seo hlædige et Æðelnoð Arcebiscop et Ælfstan Abbod et se Hired æt Sancte Augustine et Brihtric geounga et Æþelric bigenga et Þorð Þurkilles nefa et Tofi et Ælfwine preost et Eadwold preost et ealle ðæs cynges rædesmen et þissa gewrita synda iii an is æt Cristes cyrican et an æt Sancte Augustine et an hæfð Eadsige mid him sylfan
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter