Charter Document - 03740096

Nos frater Guillelmus humilis prior Gigniacensis totusque ejusdem loci conventus Et ego Guillelmus filius quondam Raymundi prepositi quondam de Grayes notum facimus universis presentes litteras inspecturis quod Nos visa et cognita evidenti utilitate nostra presenti et futura facimus inter nos invicem permutationem de nostris hominibus et de eorum tenementis et aliis terris et rebus nostris hic inferius annotatis videlicet in hunc modum Quod ego dictus Guillelmus nullo errore lapsus non vi non dolo non metu inductus nec ab aliquo circonventus sed ex plena et mera deliberatione certus sciens prudens et spontaneus visa et considerata utilitate mea et meo commodo evidenti do trado cedo et concedo et quitto pro me et meis in perpetuum dictis religiosis dominis meis et eorum successoribus nomine et ex causa legitime permutationis quidquid juris juridictionis proprietatis possessionis reclamationis usagii et consuetudinis de jure seu de facto habeo vel habere possum et debeo seu habere visus sum in toto parrochiatu de Loysiaco et de Grayes et in toto parochiatu de Gigniaco et in dictorum parrochiatuum territoriis universis videlicet in hominibus presentibus et futuris et eorum tenementis in domibus casalibus curtilibus molendinis battentoriis exclosia in terris cultis et non cultis pratis aquis aquarum decursibus nemoribus taliis usagiis servitiis pascuis tachiis et communibus juribus et juridictionibus et rebus aliis quibuscumque omnibus censeatur que quidem omnia tenebam et tenere debebam in feodum ligium a dictis Religiosis Dominis meis de quibus universis et singulis supra dictis devestio me et meos successores et eosdem Religiosos dominos meos investio per presentes litteras nomine et ex causa quibus supra et in possessionem corporalem vel quasi et vacuam induco et mea integritate qua predicta tenebam seu tenere et possidere debebam tempore contractus permutationis supra dicte de quibus predictis Religiosis aliqua declaravi prout in quadam cedula sigillo meo proprio et sigillo religiosi viri Amedei abbatis Miratorii sigillate plenius continetur Que quidem in predicta permutatione mei juris que specialiter nominavi et ea supra dictis Religiosis legitime contra omnes garentire promisi dictos Religiosos dominos meos presentes et recipientes dictas donationem traditionem cessionem concessionem et investituram nomine supra dicto nihil juris proprietatis possessionis seu reclamationis mei vel meis in eisdem de cetero penitus retinendo Cedo etiam et concedo dictis Religiosis et eorum successoribus omnia jura omnesque actiones reales et personales mixtas utiles et directas et petitorias reique persecutorias et alias quascumque mihy et meis compententia et competitura competentes et competituras in predictis et singulis predictorum contra quascumque personas et alias predictorum ipsa jura et ipsas actiones in ipsos Religiosos dominos meos et eorum successores totaliter transferendo constituens ipsos procuratores in rem suam et efficiendo ipsos veros et proprietarios possessores omnium predictorum prout melius et utilius dici seu intelligi potest et firmius fieri quocumque jure et quocumque modo et quacumque ratione et consuetudine ad totam utilitatem dictorum dominorum meorum et ecclesie Gigniacensi predicte Et e converso nos dicti prior et conventus deliberato et habito inter nos communi et sano consilio et etiam cum pluribus viris fide dignis discretis et amicis nostris et ecclesie nostre videntes et consentientes in hoc facto evidentem utilitatem nostram et dicte ecclesie nostre presentem et futuram et conditionem nostram et ecclesie nostre melioratam fore damus unanimiter et concorditer nomine et ex causa permutationis et in recompensationem predictorum nobis a dicto Guillelmo datorum tradimus cedimus et concedimus et quittamus in feudum ligium perpetuum dicto Guillelmo et heredibus ejus in perpetuum qui pro predictis vel de predictis erunt vassali nostri ligii quidquid juris proprietatis et possessionis jurisdictionis et dominii consuetudinis et usagii habemus et habere possumus et debemus seu habere visi sumus in toto parochiatu et territoriis et appenditiis universis et singulis de Domomartino et de Varennes et de Cheleres et in villa de Crosis sita in parrochia de Frontenay et in eorumdem parochiatuum de Domomartino et de Varennes territoriis et appendentiis universis videlicet in hominibus et eorum tenementis in omnibus terris cultis et non cultis pratis pascuis aquis nemoribus tachiis censis servitiis usagiis servitutibus et rebus aliis omnibus mobilibus et immobilibus quibuscumque rebus consistant in predictis parochiatibus et territoriis de Domomartino et de Varennes territoriis et appendentiis universis quibuscumque nominibus censeantur prout melius et sanius dici seu intelligi potest et debet ad totam utilitatem dicti Guillelmi et ejus heredum vassalorum nostrorum ligiorum salvis tamen et retentis nobis nominatim et expresse nostrisque successoribus in perpetuum pleno jure patronatus in predictis parochiatibus et omnibus decimis et spiritualibus sepulturarum oblationibus que in predictis locis et pertinentiis et parochiatibus supra dictis ratione patronatus percipimus et habemus et que nobis evenire poterunt in futurum Dedimus tamen eidem Guillelmo suisque heredibus nomine et ex causa permutationis predicte in augmentationem feudisupra dicti viginti quartalla bladi percipienda habenda et levanda annis singulis tempore messium in fruetibus decimarum nostrarum de Domomartino et de Varennis medietatem videlicet frumenti et medietatem siliginis quos fructus in predictis decimis nostris tempore messium percipimus et habemus De quibus omnibus et singulis supra dictis datis a nobis dicto Guillelmo et ejus heredibus qui proinde erunt vassali nostri ligii devestimus nos de eisdem et nomine et ex causa et modo quibus supra investimus et in possessionem corporalem vel quasi et vacuam per presentes litteras inducimus dictum Guillelmum tanquam vassalum nostrum ligium presentem et recipientem pro se et dictis heredibus dictas donationem traditionem cessionem concessionem et investituram sibi a nobis factas Nomine causa et modo quibus supra cedimus insuper et concedimus dicto Guillelmo et ejus heredibus omnia jura et omnes actiones reales et personales mixtas utiles et directas civiles et petitorias reique persecutorias et alias quascumque nobis competentia et competitura competentes et competituras in predictis omnibus et singulis dicto Guillelmo a nobis datis et etiam contra quascumque personas ratione eorumdem et ipsa jura et ipsas actiones reales et personales in eundem Guillelmum et in dictos ejus heredes totaliter transferimus et mandamus constituentes ipsum Guillelmum procuratorem nostrum in rem suam prout melius et utilius dici seu intelligi potest seu jure seu quacumque consuetudine ad totam utilitatem dicti Guillelmi et dictorum ejus heredum Renunciavimus autem in hoc facto ex certis scientiis nos dicti prior et conventus sub fide et voto religionis et ego dictus Guillelmus per juramentum meum super sancta Dei evangelia corporaliter prestitum exceptionibus infra scriptis videlicet doli et in factum dicte permutationis ex causis legitimis non facta omni deceptioni lesioni et gravamini et omni auxilio et beneficio juris canonici et civilis introducti et introducendi et omnibus gratiis et indulgentiis Ordini Cluniacensi a Sede Apostolica sub quacumque forma verborum concessis et concedendis juri dicenti generalem renunciationem non valere Promittentes nobis invicem sub prestitis fide voto et juramento pro nobis et successoribus nostris nobis invicem ita fieri stipulantibus non venire ullo tempore in toto vel in parte per nos vel per alium contra ea que in presentibus litteris continentur Rogans autem et requirens ego dictus Guillelmus illustrum virum dominum Johannem de Cabilone comitem Allysiodorensem et dominum Rupisfortis et discretum virum Galteryum de Changeyo canonicum Eduensem et officialem Lugdunensem pro domino episcopo Eduensi gerente administrationem archiepiscopatus Lugduni ipsius sede vacante ut sigilla sua presentibus litteris apponant una cum sigillo meo quod presentibus litteris appono in testimonium veritatis et nos dictus Johannes de Cabilone comes Allysiodorensis et dominus Rupisfortis sigillum nostrum et nos officialis Lugdunensis sigillum dicte curie nostre Lugdunensis ad preces et requisitionem dicti Guillelmi de Grayes presentibus litteris duximus apponenda Datum anno Domini millesimo ducentesimo nonagesimo quarto mense martii