Charter Document - 03779288

Charter Number: 03779288
Cartulary Title: Regesta Willelmi Conquestoris et Willelmi Rufi, 1066-1100 [Westminster]
Charter Language: Latin
Charter Origin: Religious
Charter Type(s): Grant
Date: 1085
Date Type: Internal, A.D.
Resource Link(s): SCRIPTA - Base des actes normands médiévaux

View Map

Charter: Names and Diplomatics Layers

Anno incarnationis dominice millesimo octogesimo quinto concessit Ivo Taliboys ecclesie sancti Nich[ola]i Andeg[avensis] ecclesiam in villa sua que Spallingia vocatur cum una carucata terre et bobus et omnibus que ecclesie pertinent pro Willelmi regis ac Matildis regine uxoris sue animabus necnon pro sui ipsius et coniugis sue Lucie et antecessorum suorum Toraldi scilicet uxorisque eius requie tali pacto ut monachi sancti Nich[ola]i sub manu regis ab Ivone huius elemosine primam donacionem recognoscant In qua ecclesia iii monachi electione abbatis totiusque conventus assidue erunt cui ecclesie Spallingie abbate et monachis decimas quas Toraldus suique homines dederant sancto Nicho[laio] concesserunt Si autem Domino largiente ecclesie substantia copiosissime multiplicata fuerit monachorum numerus augmentetur de cuius substantia in unoquoque anno fratribus cenobii sancti Nich[ola]i Andeg[avensis] caritatem quam potuerunt reddent Hanc conventionem fecit Ivo cum Natal[i] abbate et monachis sancti Nich[ola]i Andeg[avensis] apud Gloecestriam concedente Willelmo rege Anglorum testimonio Remigii episcopi Linc[olniensis] Will[elm]i episcopi Dunelmensis Hugonis Baldrici filii et Normani crassi Johannis militis ipsius abbatis et Nigelli militis Ivonis militis Hermeri presbiteri

Institution - an Institution associated with either the giver or receiver of a property transaction in a charter

Property - a property place location that is a transaction in a charter
issued

Issued - the issued at place location for the charter
charter

Charter