Charter Document - 03780735

Ego Henricus dei gracia rex Anglorum Iohanni episcopo et Ayulfo uicecomiti et omnibus fidelibus meis in regno meo francis et anglis salutem Sciatis me pro salute animarum patris mei regis Willelmi et matris mee Matillidis regine et aliorum antecessorum meorum et pro salute et incolumitate mei ipsius et statu regni mei dedisse et concessisse in liberam puram et perpetuam elemosinam confirmasse deo et sanctis apostolis eius Petro et Paulo et Monte Acuto et monachis Cluniacensibus ibidem deo seruientibus ecclesiam sancti Petri iuxta castellum Montem Acutum et ipsum castellum et capellam castelli cum omnibus appendiciis suis et cum pomeriis et uinea et feriam de Hamedone per tresdecem dies duraturam burgum de Monte Acuto et mercatum cum thelonio et manerium de Biscopeston et molendinum et hundredum cum omnibus appendiciis suis Manerium etiam de Tintenelle ecclesiam et molendinum et hundredum cum omnibus appendiciis suis et feriam eiusdem uille per tresdecem dies duraturam Manerium etiam de Criche ecclesiam et Hamma et Eceneberga et Nisheid et hundredum cum omnibus appendiciis suis Manerium Cymme et ecclesiam et hundredum de Hunesberga et Wrchelay cum omnibus appendiciis suis Manerium etiam Clonesuurd et ecclesiam et molendinum et terras de Melebiri cum appendiciis suis Manerium etiam de Modiford et ecclesiam et molendinum et terram de Athebare et Humbre cum appendiciis suis Manerium etiam de Legha et Friseham et ecclesiam et hundredum in Deuenesire cum appendiciis suis et Thornham et terras de Wydecumbe et Forde et Denemoldesham cum appendiciis suis et uiginti solidatas terre in Gersiche Hunecroft et Lonerlay et ecclesiam de Gersiche cum omnibus appendiciis suis et terram que dicitur Baresfelde et ecclesiam que dicitur Gerlyngton cum appendiciis suis et ecclesiam de Brimetune cum omnibus que ad eam pertinent et in Cornubia ecclesiam de Altremine et ecclesiam de Semnet et ecclesiam de Sancto Carentoco et cum omnibus que ad eas pertinent tam in terris quam in decimis et ecclesiam de Lerky cum omnibus que ad eam pertinent Et unam berewicam que uocatur Pennard et duas partes decimarum de Acford et decimam de Cymme et medietatem decimarum de Ciselberga de Claford de Nortune iuxta Tanton et decimas dominii de Merseton et de Heorcumbe de Candel de Torp de Cernell item de Cernel de tertio Cernel de Tolre de Hoc de Cridilincota et duas partes decimarum de Diruuneston de Pundinton et decimam de Bykehull de Lodre et duas partes decimarum dominii de Cilterna et liberorum hominum Quare uolo et concedo et regali auctoritate precipio quod predicta ecclesia sanctorum Petri et Pauli de Monte Acuto et monachi ibidem deo seruientes habeant et imperpetuum teneant omnia predicta maneria et mansiones suas et terras suas et redditus et ecclesias et decimas et ferias suas de Hamedon et Tintenell per tresdecem dies duraturas et res de possessiones suas et homines suos ubicunque sint bene et in pace libere et honorifice quiete de sciris et hundredis geldis et scottis placitis et querelis scutagiis et hidagiis et danegeldis et assisis et latrociniis et murdris passagiis et theloniis et de turno uicecomitum et de communi misericordia comitatus et hundredi et de opere castellorum et poncium et parcorum et summagiis et collectis de wardpeny et auerpeny de hundredpeny et thdingpeni de weretoff et de forfeng et de omnibus que contingent facienda per Angliam Et habeant socam et sacam toll et them et infangentheof et omnes alias libertates et liberas ubique consuetudines et quietancias suas in bosco et in plano in pratis et pascuis in uiis et semitis in feriis et mercatis in aquis et molendinis in stagnis et uiuariis et piscariis infra burgum et extra et in omnibus locis et in omnibus rebus et hundreda sua de Monte Acuto de Tintenell de Hunesberga et de Cricha et de Legha et Friseham in Deuenscire adeo libera sicut ego habeo mea hundreda in omnibus placitis assisis et querelis Hec omnia supradicta dedi et concessi predicte ecclesie sanctorum Petri et Pauli de Monte Acuto et monachis Cluniacensibus ibidem deo seruientibus in puram et perpetuam elemosinam pro salute animarum patris mei Willelmi regis et matris mee Mathillidis regine et aliorum antecessorum meorum et pro salute et incolumitate regni mei quia ipsi monachi et maneria sua et mansiones et terre sue et redditus et ecclesie et decime et homines sui et ferie sue de Hanered et de Tintenell et res et possessiones sue et omnia que sua sunt in mea propria manu consistunt sicut propria et pura elemosina mea et sicut proprium dominicum meum Et ut mea donatio et concessio rata et inconcussa imperpetuum permaneat regali auctoritate precipio et hanc conscriptionem inde factam sigilli mei appositione confirmo et signo sancte crucis manu propria consigno + Signum Henr[ici] regis + Signum Roberti de Mellent comitis + Signum Roberti filii Hamonis + Signum Ricardi de Redeuers + Signum Ranulfi capellani regis + Signum Aluredi pincerne