Charter Document - 03781205

Henricus dei gratia rex Anglorum et dux Normannorum archiepiscopis episcopis abbatibus comitibus baronibus et omnibus uicecomitibus in quorum uicecomitatibus sanctus Iohannes Baptista de Colecestria terras habet et homines et omnibus fidelibus suis francis et anglis totius Anglie salutem Sciatis me concessisse deo et sancto Iohanni Baptiste de Colecestria et monachis eiusdem loci cuncteque eorum possessioni eandem libertatem et easdem leges quas habet ecclesia sancti Petri Westmonasterii scilicet Sakam et Sokam et Toll et Team Mundbryce Burhbryce Miskenninge Sceawinge Hleastinge Frythesokne Flymenefyrmthe Wergyldweof Vthleap Forfeng Feohfeng Feordwite Feohtwite Weardwite Hengwite Hamsocna Forsteall Infogenatheof et omnia iura qualiumcunque causarum et omnes alias leges et consuetudines que ad me pertinent in terra et in aqua et in urbe et extra in domo et extra in uilla et extra in placito in soka et saka in theloneo in furis apprehensione et emissione in sanguinis effusione et in omnibus aliis rebus in omni tempore et in omnibus locis Has ergo omnes leges et consuetudines concedo deo et sancto Iohanni Colecestrie inperpetuum possidere in aqua et terra tam plene et tam libere sicut egomet illas melius habeo Et nullo modo uolo ut aliquis hanc ecclesie sancti Iohannis concessam a me libertatem ullo tempore infringere presumat Testibus Radulfo archiepiscopo Cantorberie et Gaufrido archiepiscopo Rothomagi et Turstino archiepiscopo Eboraci et Rannulfo episcopo Dunelmie et Bernardo episcopo de Sancto Dauid et Rannulfo cancellario et Henrico comite de Auco et Waltero Giffardo comite et Willelmo comite de Warenna Apud Rotomagum in mense et anno quo Willelmus filius regis desponsauit uxorem suam filiam comitis Andegauensium