Charter Document - 03781241

In nomine patris et filii et spiritus sancti amen Ego Henricus dei gratia rex Anglorum et dux Normannorum uniuersorum confirmationem et finem attendens et in futurum saluti mee prouidens simul ac consulens quod propriis meritis optime non possum a pauperibus spiritum regnum celorum quod ipsorum est emendum putaui Eos in illa celesti curia semper aduocatos habere desiderans utpote cuius ipsi sunt et conciues et presules ad eosdem tamquam ad sancte munitionis auxilium confugio Vt eorum mereor optulatione saluari qui de meis meritis non nisi mortem et dampnationem inuenio donationem quam ipse facio ecclesie sancti Oswaldi de Nosllai et fratribus et canonicis regularibus eiusdem loci uidelicet duodecim denarios in die de firma mea propria Eborascire imperpetuum solutam et liberam Concedo eis et pro dei amore et salute anime mee et antecessorum meorum ecclesiam de Baenburch cum capell[is] et terris et decimis eidem ecclesie adiacentibus sicut Algarus presbiter iam unquam [quas fecerunt] melius tenuit et terras uidelicet Fletam et Helefort et terram sancti Hydani ecclesiam de Cnaresburgh ecclesiam de Tickhill cum terris et decimis eisdem ecclesiis pertinentibus Donationes preterea quas fecerunt ipsis principes et nobiles regni ego quoque munificentia regale confirmo nemus uidelicet in quo sita est predicta ecclesia quod Robertus de Lateso eis concessit et duas bouatas terre in Herwic quas idem Robertus dedit et concessit et Radulphus gramaticus quantum ad eum spectabat De dono Willelmi Foliot unum molendinum in Nortuna De Rogero Pictauensi unum molendinum in Saxtona De Adam de Ranauilla unam bouatam terre in Istoft De Ingulfo de Macomio unam bouatam terre unum pratum et unam piscariam De Sweno filio Edwini presbiteri unam bouatam terre in Halctona De Olardo unam bouatam terre in Hesela De Ernulfo de Prestona unam bouatam terre in Hardwicke De Sweno filio Ailrici unam carrucatam terre in Croftona et in Winterseca duas bouatas terre et unum toftum De Godderdo unam bouatam terre in Croftona De Gerbodo tres bouatas terre in Warnefeld De Ebrardo unam bouatam terre in Tocwid De Willelmo de Archis duas bouatas terre in Hamertona De Radulpho de Federstam decem acras terre De Becea tres acras terre Leofwino filio Anieti duas bouatas terre in Cramton De Roberto Daio duo tofto in Hamertona De Acelino fratre eius nemus quod est super stagnum sancti Oswaldi in longitudine stagni et in latitudine xl perticatas De Hugone Muscampis unam carectatam in Burtona De Willelmo filio Nigelli dimidiam carucatam terre in Buchetun De Roberto de Fossardo ecclesiam de Bramham cum quatuordecim bouatis terre que ad ecclesiam pertinent et ecclesiam de Warram cum quatuor bouatis terre et ecclesiam Lith cum decem bouatis terre quas prefatus Robertus Fossard dedit sancto Oswaldo per manum Turstini archiepiscopi De Leuena in Torp et in Rogertorpe concessione Hugonis de Laual et coram me quinque carucatas terre De Willelmo de Archis et Gaufrido filio Pagani capellam omnium sanctorum in Tocwid et terram que capelle adiacet De Radulfo de Insula et Willelmo filio eius capellam de Wodechirch et quatuor bouatas terre in Morlai per manum Turstini archiepiscopi De Roberto filio Herberti de Bestona duas acras terre in Morlai De Radulfo de Laceio unam bouatam terre in Cumerceword De Alano de Craon septem solidos per annos singulos in Botoluestan De Gilberto filio Iocelini unum molendinum in Aschebi et sex bouatas terre Stichelwald Confirmo autem predictis canonicis ecclesias et terras quas Adeliza de Chesueduit et Simon et Radulfus filii eius in presencia mea dederunt liberas et quietas ab omni seculari seruicio uidelicet ecclesiam de Langeleya cum centum acris terre et ecclesiam de Chedendona et ecclesiam de Cherwelton cum terris et decimis eisdem ecclesiis pertinentibus et duas hidas terre in Saldena et hidam et dimidiam in Mideltona liberas et quietas ab omni seculari seruicio De Picoto de Perci ecclesiam de Bolton De Suueno unam mansuram in Eboraco De Stephano comite Moritonii et de Cliberno et Sunwlfo mansuras quas dederunt sancto Oswaldo in Eboraco De Stephano comite Moritonii et Rogero de Limisi capellano eius ecclesiam de sancto Oswaldo in Macherfeld De Humfrido Hactenc unum molendinum in Saldford cum terra que eidem molendino adiacet De Autropio filio Humfrido Hactenc ecclesiam de Hamertona ecclesiam de Chebescia et ecclesiam de Newbold cum terris et decimis ceteris[que] rebus ecclesiis pertinentibus De meo proprio dono terram que fuit Godrici mercatoris in Norwico et consuetudinem que de eadem terra exiit In Warsop et in Sulcholm tres bouatas terre et duas partes unius bouate terre de meo proprio dono ad Mewart De Sweno filio Elrici totum manerium in Winterseta in bosco et in plano sicut idem Swenus melius tenuit Et de eodem Sweno ecclesiam de Felebarche ecclesiam de Adwic et dimidium ecclesie de Mechesburch Duas nimirum donationes ob incolumitatem regni mei et salutem anime mee necnon pro animabus patris mei Willelmi magni regis Anglie et matris mee magne regine et uxoris mee magne regine secunde et Willelmi filii mei omniumque fidelium dei defunctorum ita quod ab omni tam clericorum infestatione quam laicorum absoluo Vt quando hoc decretum et mee concessionis nemo sit qui seruos dei ibidem com[m]orantes inquietare audeat uel presumat Quam nimirum quietem et tranquillitatem eidem sancti Oswaldi ecclesie archiepiscopus Ebor ab omni consuetudine episcopalium exactione et inuiolabiliter possidendum concessit Volo et concedo et firmiter precipio ut predicti canonici amodo imperpetuum omnia supradicta teneat libere et quiete a geldis a placitis querelis consuetudinibus occasionibus et ab omni seruicio et exactione seculari Si quis autem contra hanc donationis nostre paginam temerario ausu uenire uel eandem ecclesiam infringere uel diripere uel nocere temptau[er]it perpetua anathematis ultione feriatur donus ad plenam satisfactionem et congruam emendationem redierit Porro donationis huius ex mea parte testes sunt Dauid comes Robertus filius regis Nigellus de Albini Willelmus Peuerell de Notingham Robert de Brus Rogerus filius Ral Paganus filius Iohannis Gaufridus filius Pagani Robertus de Olli Hugo Bigot Data et confirmata Westmonasterio anno ab incarnatione domini MCXXI indictione XXIIII epacta XVIII septimis Idus Ianuarii concurrens V luna XXV feria in anno secundo consecrationis Turstini archiepiscopi Ego Henricus rex Angl[orum] et dux Normannorum ut imposterum res firma consistat presentem paginam proprie manus impressione consignaui