Charter Document - 03781282
Charter Number: 03781282
Cartulary Title: Regesta Henrici Primi, 1100-1135 [Westminster]
Charter Language: Latin
Charter Origin: Royal
Charter Type(s): Notification
Date: 1121
Date Type: Assigned
Resource Link(s): Diplomatics Annotated (brat)
View Map
Cartulary Title: Regesta Henrici Primi, 1100-1135 [Westminster]
Charter Language: Latin
Charter Origin: Royal
Charter Type(s): Notification
Date: 1121
Date Type: Assigned
Resource Link(s): Diplomatics Annotated (brat)
View Map
Charter:
Henricus rex Anglorum archiepiscopis episcopis abbatibus comitibus baronibus iusticiis uicecomitibus ministris et omnibus fidelibus suis francis et anglis salutem Sciatis me regia largitione concessisse Poncio abbati Cluniacensi eiusque successoribus abbatibus et monachis suis Cluniacensibus monasterium sancte Trinitatis de Lentona quod Willelmus Peuerell eis donauit iure perpetuo instituendum et possidendum cum uniuersis que eidem monasterio ipse contulit pro anima patris mei Willelmi regis et matris mee Matillidis regine et pro nobismet ipsis et nominatim has uillulas Lenton Morton Radef Neutorp Papilwik Blacwelle Cortehalle cum omnibus pertinentiis earum et ecclesiam sancte Marie de Notingeham et ecclesiam sancti Petri et sancti Nicholai cum pertinentiis earum ecclesiam de Langare et ecclesiam de Lindeby ecclesiam de Hecham et ecclesiam de Rissend et ecclesiam de Irencestre et ecclesiam de Herlist et ecclesiam de Fotistona cum terris et decimis et omnibus pertinentiis earum duas etiam partes decimarum de dominiis suis et de dominiis hominum suorum de omnibus rebus que decimari possunt sicut carta testatur totam decimam haracii et plumbi et uenatus sui tam carnium quam coriorum in Peccho et decimam piscarie de Notingeham De dono etiam Roberti comitis de Mellent ecclesiam de Wichingest cum pertinentiis suis De dono Oddonis de Bonai duas partes decimationum dominii sui in Bonai de omnibus rebus que decimari possunt et ecclesiam de Bartona et medietatem ecclesie Adingburg cum omnibus pertinentiis earum Ego autem rex H[enricus] dono ecclesie Lenton unam feriam viii dierum ad festum sancti Martini et duas carectatas de mortuo bosco et brueria in Bescwde et regales libertates et consuetudines scilicet sache et soche et tol et them et infangethef et latrocinium et quietantiam de syris et hundredis et wapentagiis et de trithingis de exercitu et de pontagio de murdro et danegeldo et de omni consuetudine et exactione seculari Precipio itaque ut ipsi monachi Lentonie teneant omnia tenementa sua ita libere et honorifice sicut Willelmus Peuerell melius et quietius sua tenuit tempore patris mei Willelmi regis Testibus Rannulfo cancellario Galfrido de Clint[on] Albrico de Veer Willelmo de Aubeni Apud Wyntoniam
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
