utl logo
UTL Home | Ethiopia Images | Central and Inner Asia Studies

Charter Document - 03781312

Charter Number: 03781312
Cartulary Title: Regesta Henrici Primi, 1100-1135 [Westminster]
Charter Language: Latin
Charter Origin: Royal
Charter Type(s): Diploma
Date: 1122
Date Type: Assigned
Resource Link(s): Diplomatics Annotated (brat)
map View Map
Charter:
In nomine patris et filii et spiritus sancti amen In Christianis temporibus totius mundane potestatis summa uirtus est ut ecclesia Christi regum et principum auctoritate ac defensione uires et incrementa suscipiat et gregis dei religio per orbem terrarum augeatur et crescat Ea sane regie dignitatis maxima laus est cum ad posterorum memoriam de fide et religione multa probitatis prelibantur insignia Ea propter ego Henricus dei gratia rex Anglorum et dux Normannorum pauperes Christi in curia celesti semper aduocatos habere desiderans utpote cuius ipsi sunt et conciues simul et presules ad eosdem tamquam ad sancte munitionis asilum confugio ut eorum saltem merear opitulatione saluari qui de meis meritis nichil dignum sentio Ecclesiam igitur beati Oswaldi regis et martiris que iuxta castellum Pontisfracti in loco qui dicitur Nostlay super uiuarium sita est et in qua canonici regulares ad seruiendum deo uiuenti per manum uenerabilis Turstini Eboracensis archiepiscopi constituti sunt regie potestatis auctoritate confirmo Donationem uero quam predicti martiris ecclesie et eiusdem loci canonicis facio uidelicet totum nemus quod circa eandem ecclesiam est et quod dicitur nemus sancti Oswaldi in perpetuum eis liberam et solutam concedo sicut unquam Ilbertus de Laceyo uel Robertus filius eius melius et honorificentius idem nemus in dominio suo habuerunt duodecim etiam denarios in die de firma mea propria Eboracisyre regali dono eis in perpetuum concedo Dimidiam uero carucatam terre in qua predicata ecclesia sita est et eidem ecclesie adiacet et duas bouatas terre in Herthewic quam simul terram Robertus de Lasceyo eis dedit et concessit et Radulphus Gramaticus quantum ad se inde spectabat ab omni terreno seruicio et omnibus regalibus consuetudinibus in perpetuum regali munificentia liberam solutam et quietam eis concedo Preterea confirmo donum quod feci predicte ecclesie et canonicis eiusdem loci uidelicet ecclesias sancti Oswaldi et Aydani de Bamburg sicut Algarus presbiter unquam eas melius tenuit et ecclesiam de castello de Tykehill quam etiam habent ex dono Turstini archiepiscopi qui prius eam meo dono possederat cum terris et decimis et omnibus rebus que ad predictas ecclesias pertinent Donationes etiam quas fecerunt predictis canonicis principes et nobiles regni mei ego quoque potestate regali confirmo [uidelicet de Hugone de Laual ecclesias de Rothenwella Hachaworda Federstan Suthkerchebi Hudresfeld et Batteleia cum terris et decimis et omnibus rebus pertinentibus et manerium de Hesela cum seruicio Oilerii De Willelmo Foliot duo molendina in Nortona et in Frisobeia et unam mansuram in castello Pontefracto De Ada de Ranauilla unam bouatam terre in Histoft De Rogero Pictauiensi unum molendinum in Saxtona De Sweno filio Ailrici unam carucatam terre in Croftona et totum manerium de Wintersete in bosco et plano sicut idem Swenus melius tenuit et de eodem Sweno ecclesiam de Felekircha et ecclesiam de Addewic et dimidium ecclesie de Mechesburc cum terris et decimis et aliis pertinentibus De Acelino de Dai nemus et terram sicut iacet ex occidentali parte ecclesie et stagni sancti Oswaldi et sicut idem Acelinus eis dedit et concessit De Leuena in Torp et in Torp Rogeri concessione Hugonis de Laual vi carucatas terre De Ingulfo de Matona unam bouatam terre et unum pratum et unam piscariam in Bechala De Radulpho de Fetherstan decem acras terre De Becca tres acras terre De Sweno filio Edwini presbiteri unam bouatam terre in Haltona De Gerbodo tres bouatas terre in Warnefeld De Ebrardo unam bouatam terre in Tockwith De Willelmo de Archis duas bouatas terre in Hamertona De Roberto Fossardo ecclesiam de Brameham cum xiiii bouatis terre que ad ecclesiam spectant et ecclesiam de Warrum cum quatuor bouatis terre et ecclesiam de Lid cum x bouatis terre [] omnibus que ad ecclesias predictas pertinent quas uidelicet ecclesias predictus Robertus Fossard dedit predictis canonicis per manum Turstini archiepiscopi De Anschetillo de Bulemer xii bouatas terre in Bramham De Hugone de Muscampo unam carucatam in Bortona De Willelmo filio Nigelli dimidiam carucatam terre in Buctona De Herberto filio Herberti et Willelmo fratre eius Eboracensi thesaurario ecclesiam de Wiuertorp cum omnibus eidem ecclesie pertinentibus concensi Turstini archiepiscopi De Pichoto de Perceio ecclesiam de Booltona De Willelmo de Archis et de Galfrido filio Pagani capellam omnium sanctorum de Tockwic et terram que capelle adiacet De Willelmo comite Warennie et Radulfo de Insula et de Willelmo filio eius ecclesiam de Wudechircha per manum Turstini archiepiscopi et de eodem Radulfo et Willelmo filio suo xii bouatas terre in Morlai De Roberto filio Herberti de Bertona xii acras terre in Morlai De Radulfo de Lacele unam bouatam terre in Cumberwrthe De Sunneua unam mansuram terre in Eboraco De Cliberno et Sunwlfo mansuras quas dederunt sancto Oswaldo in Eboraco De Gilberto filio Gocelini vi bouatas terre in Sticcheswald De Lefwino filio Auieti duas bouatas terre in Cramtona De Stephano comite Moritonii et de Rogero de Limisi capellano eius ecclesiam sancti Oswaldi de Macrefeld De Aitropio filio Humfridi Hasteng unum molendinum cum terra que eidem molendino pertinet in Seldfort et ecclesias de Lamentona Chebesei et Newbold et de Anfrido fratre eiusdem Aitropii et Lecelina matre Humfridi ecclesias de Heseleia et de Wittehenesse cum terris et decimis [] rebus eisdem ecclesiis pertinentibus testimonio Turstini archiepiscopi De Adeliza uxore Radulfi de Cheynduit et de Symone et Hugone filiis eius ecclesias de Chedendona Langelega et Charweltona cum pertinentibus et in Saldena duas hidas terre et in Mideltona xv acras terre De meo proprio dono terram que fuit Godrici mercatoris in Norwico et consuetudinem que de eadem terra exiit Item in Warsop et in Sutheholma tres bouatas terre et duas partes unius bouate terre] Et preter hec quicquid beneficii uel elemosine in terris ecclesiis ceterisque possessionibus prefate ecclesie rationabiliter collatum fuerit ego quoque similiter gratie regalis auctoritate confirmo Sit igitur tota elemosina predicta quieta et libera sicut et aliqua elemosinarum mearum quietior et liberior est Denique ego Henricus dei gratia rex do et concedo ecclesie sancti Oswaldi regis et martiris de Nostelay eandem libertatem et easdem leges et consuetudines quales etiam habet matrix ecclesia beati Petri Eboracensis preter ea que ad magisterium christianitatis et reuerentiam archiepiscopalis respiciunt dignitatem Quam nimirum libertatem et consuetudinem eidem ecclesie sancti Oswaldi ab omni exactione episcopalis consuetudinis solute uenerabilis Turstinus Eboracensis archiepiscopus ratam et inuiolabilem possidendam concessit Nulli autem hominum meorum post hoc liceat hanc elemosinam meam et hunc locum ob incolumitatem regni mei et salutem anime mee [et] pro animabus antecessorum meorum uidelicet patris mei Willelmi magni regis Anglorum et matris mee Matildis et uxoris mee Matildis regine secunde et Willelmi filii mei omniumque fidelium dei defunctorum confirmatum et omnes possessiones eius perturbare uel minuere sed in perpetua et regali pace firma et illibata permaneat Vnde si in posterum res firma constat presentem paginam proprie manus impressione consigno + Signum Henrici regis Anglorum + Signum Turstini Eboracensis archiepiscopi + Signum Ricardi Herefordensis episcopi + Signum Willelmi Wintoniensis episcopi + Signum Ebrardi Norwicensis episcopi + Signum Eustachii filii Iohannis + Signum Pagani filii Iohannis + Signum Walteri Espec
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter