Charter Document - 03781341

[Anno millesimo centesimo uicessimo secundo ab incarnatione domini Henricus rex Anglorum precepit ut querela monachorum sancti Stephani Cadomi quam faciebant de terra que pertinet ad Bridetonam quam homines regis de Brideport preripuerant et auxilio ministrorum regis potiti diu tenuerant sub examinatione iudicum discutaretur ita quidem ut finis totius questionis in affirmatione uirorum de quatuor partibus uicinitatis illius uille ponaretur Quod sepe dilatum tandem ut fieret instabat regis iussio Die igitur statuto calumpnia monachorum audita est coram septem hundredis qui conuenerant super illam terram ex circumiacentibus et procul remotis uillis presente Guarino uicecomite de Dorseta et Sumerseta cuius tenendum super hac re specialiter iniunctum erat et secundum regis definitionem iuratum est Nam sexdecim homines tres uidelicet de Brideport et tres de Bridetona et decem de uicinis iurauerunt se ueram affirmationem facturos de inquisitione terre illius Qui facta inquisitione cuius rectius debeat esse affirmabant iuxta fidem iuramenti predictam terram antiquitus adiacere ad Bridetonam Et cuius fuerat Bridetona eius debere esset et terra illa Quorum assertioni cuncti adquiescentes dei gratia sanctique Stephani meritis sua iura conquerentibus adiudicabant restituendamque terram illam ad Bridetonam et monachis ilico tradendum Sicque eodem die factum est [] Nomina uero illorum qui iurauerunt hec sunt Willielmus de Ver Ranaldus Postek Rualdus de Esterta Ricardus filius Liuingi Ailwardi de Denecaham Edwardus Chingenot Saricus de Berewicia Ailwardus de Bridia Leuericus Burdelin Alwinus Bacon qui erat prepositus Edwinus filius Sarici de Brideport Aluricus filius Sideflet Tedwi de Brideport Torgotus de Bridetona Saricus de Bridetona Alwinus filius Onwini de Bridetona]