utl logo
UTL Home | Ethiopia Images | Central and Inner Asia Studies

Charter Document - 03781489

Charter Number: 03781489
Cartulary Title: Regesta Henrici Primi, 1100-1135 [Westminster]
Charter Language: Latin
Charter Origin: Royal
Charter Type(s): Confirmation
Date: 1127
Date Type: Internal, A.D.
Resource Link(s): Diplomatics Annotated (brat)
map View Map
Charter:
Henr[icus] dei gratia rex Anglor[um] et dux Norm[annorum] archiepiscopis episcopis abbatibus comitibus uicecomitibus omnibusque baronibus et ministris suis ffrancis et anglis totius Anglie salutem Sciatis communiter me non modernitatis uerum etiam antecessorum meorum et posteritatis mee utilitati prouidentem In nomine sancte et indiuidue Trinitatis ob honorem et amorem gloriose uirginis Marie genetricis dei ecclesiam Maluern[e] ipsius nomine dedicatam et monachorum habitacioni deputatam cum omnibus ad illam pertinentibus pro redempcione anime mee et pro animabus patris et matris et fratris mee et pro successorum meorum salute in regie potestatis mee manutenemento et defensione suscepisse In primis itaque locum ipsum in quo prefata ecclesia constituta est cum bosco terris pratis et omnibus possessionibus ab antecessoribus meis regibus bone uidelicet memorie rege Edwardo et Willelmo patre meo uel etiam a meipso sibi collatis sicut in omnipotentis dei et beate uirginis obsequio pro remissione peccatorum meorum pro pace regni et stabilitate indesinenter occupatum manere desidero ita enim ab omni seculari seruicio cunctis temporibus liberum et quietum clamo et firmiter esse precipio Assarta denique que a fratribus eiusdem monasterii uel eorum sumptu in foresta Maluernie licentia patris mei uel mea facta sunt cum una uirgata terre in Baldeh de feudo in Hanley quam rex Edwardus dedit sicut pater meus rex W[illelmus] concessit libera esse precipio et de iiii solidis qui de predicta uirgata ad scaccarium reddebantur antequam monachi eam haberent ipsos inperpetuum quietos esse concedo Nouam quoque terram cum Windeff et Limberg sitam inter Porwicam et Bald sicut Walterus de Gloucestr et alii barones mei ex parte mea et Gisleb[ertus] abbas Westmonaster[ii] et conuentus per Hugonem et Warnerium monachos suos ex parte sua prenominatis fratribus liberauerunt et dederunt ab omni seculari seruicio liberam esse concedo et confirmo Huic eciam regali munificentie augmentum dono uillam scilicet de Langen sitam in Gloucestersire cum ecclesia et cunctis pertinentiis suis quam Osbertus filius Poncii predictis fratribus apud Wintoniam in presentia mea dedit sed ut eam futuris honorabilius possiderent in manu mea illam sicut quam non parentum successione sed patris mei gratuito dono habuerat ab omni sui uel heredum suorum reclamatione solutam et quietam reddidit et ego eam prefato monasterio et eiusdem loci fratribus manu propria dedi et in perpetuam elemosinam regia auctoritate confirmaui ut ipsam de cetero cum omni libertate et quietudine secularis seruicii de me et successoribus meis in capite teneant Hoc autem determinate obseruandum constituo ut nec abbas Westmonasterii nec quelibet alia persona secularis uel ecclesiastica de hoc beneficio nostro ius uel potestatem habeat aliud statuendi uel illud ad alium locum transferendi Dono insuper eis duas hidas terre quas Wido filius Holgodi in manu mea reddidit quarum una est in Wyrecestersire et altera in Staffordesire nomine Quata quietas omnino de omnibus geldis et omnibus aliis querelis et scotis predicto modo de me et successoribus meis in capite tenend Concedo quoque eis et confirmo uillam de Fuleford sitam in Staffordesire quietam et liberam ab omni seculari seruicio sicut unquam eam tempore patris et fratris mei melius tenuerunt Dono etiam eis terram de Northw ad sartand inter Hanekesbroc ab Heneduneia in Sabrinam quiete et libere imperpetuum possidendam et ex altera parte Sabrine dono eis duas solidatas terre id est Hakiesheia cum quadam parte silue que pertinuit ad Stottesd per terminos illos quos Fulco uicecomes perambulare fecit qui eos inde per preceptum meum seisiuit et de illis duobus solidis et de omnibus aliis seruiciis eam liberam esse concedo Dono quoque eis et confirmo uillam de Hathfeld sitam in Herefortesire cum suis pertinentiis quam concessu meo excambiauerunt Rogero de Chandos pro terra quam prius dederam illis in ualle de Strade in liberam elemosinam de me et successoribus meis in capite tenendam Volo igitur et firmiter precipio quatinus prenominati fratres terras omnes prescriptas cum suis pertinentiis sicut dominicam elemosinam meam puram et liberam bene et in pace et honorifice cum libertatibus que sake sockne tol et team et infangentheof nominantur perpetualiter teneant quia eas ab omni regia consuetudine et ab omni collectione census que geld uel denegeld seu scot Anglie uocatur ab omnibus placitis et querelis et sciris et hundredis et auxiliis uicecomitum et ab omnibus rebus et occasionibus et ab omni castelli seu quocumque opere seruili uel etiam seruicio seculari quietas imperpetuum clamo et liberas esse concedo Et ne aliquis super hoc eis uim uel uiolentiam uel iniuriam aliquam inferat uel inferre presumat potestate regia defendo Contestor itaque omnes heredes meos et reges omnes qui post me in Anglia regnanturi sunt per tremendum iudicium dei ut hanc meam et illorum elemosinam manuteneant et defendant ut deus regnum ipsorum gubernet et adaugeat pacificet et defendat et ipsi post temporale regnum habere mereantur eternum Quicumque autem eam infregerint uel infringere temptauerint seu diminuerint nisi factum suum digna satisfactione correxerint in presenti fame et clade pereatn et cum Iuda traditore domini partem habeant in futuro Ego H[enricus] dei gratia Anglorum rex hanc donationis mee cartam signo sancte crucis confirmaui Facta est autem anno uerbi incarnati MCXXVII indictione V Wintonie Signum + regis Henr[ici] Signum + regine Adelecie Signum + Rogeri episcopi Saresb Signum + Bernardi episcopi de Sancto Dauid Signum +Gaufridi cancellarii Signum + Willelmi de Tancaruilla Signum + Pagani filii Iohannis Signum + Milonis de Gloucestria Nos autem donationes []
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter