Charter Document - 03781553

H[enricus] [dei gratia] rex Angl[orum] et dux Norm[annorum] archiepiscopis episcopis abbatibus comitibus uicecomitibus iusticiis et omnibus balliuis suis salutem Nouerit uniuersitas uestra me ad petitionem dilectorum et fidelium meorum Roberti de Grentemesnil et Roberti de Sancto Serenico concessisse et hac presenti carta mea confirmasse Garino abbati et monachis de Sancto Ebrulfo omnes libertates ecclesias decimas redditus homines et terras quas tam ipsi et fideles sui clerici et laici quam etiam progenitores eorum Hugo et Robertus de Grentemsenil et W Gerioanus predicto monasterio donauerunt temporibus Willelmi patris mei regis Anglorum et meis ipso concedente et confirmante in quibus hec propriis exprimenda duxi uocabulis ecclesiam uidelice de Nucento cum omnibus pertinenciis suis ecclesiam de Grentemesnil cum omnibus pertinenciis suis et in bosco eiusdem uille plenam decimam de uenditione uidelicet et pasnagio et herbagio et de omnibus fructibus qui ex eis poterunt prouenire ecclesiam de Louigne cum omnibus decimis et terris et aliis pertinenciis suis apud Barou duas partes tocius decime feodi de Grentemesnil apud Abeuillam duas partes tocius decime uauassorum domini eiusdem uille et domini de Val des Loge in feodo Landonis et in feodo domini de Barou quod ad Grentemesnil pertinet duas partes tocius decime ecclesiam de Mont Caluet cum omnibus decimis et aliis pertinenciis suis de donis autem Geroianorum ecclesiam sancti Andree de Eschalfou cum capellis et decimis aliisque pertinenciis suis et in eadem uilla decima tocius prepositure thelonei et omnium reddituum et exituum qui ex ea et pertinenciis eius poterunt peruenire decimam quoque foreste eiusdem uille de uenditione scilicet pasnagio uenacione haracio et herbagio et de omnibus fructibus qui ex ea poterunt prouenire etiam si ad agriculturam uenerit et herbagium et pasnagium ad porcos suos et ad alia aueria sua ipsamque forestam ad calfagium et herbergagium suum et domorum suarum et ecclesiarum edificationem et manerii sui de Veteri Mesnil et ad necessaria omnia tam de uiuo bosco quam de mortuo absque liberatione forestariorum uel contradictione alicuius apud Sanctum Andream uauassoriam unam cum feodo de Rocheio et de Nigra Aqua ecclesiam sancti Petri de Nidis cum decimis et aliis pertinenciis suis apud Sanctum Serenicium ecclesiam cum omnibus decimis et manerio monachorum et terris et aliis pertinentiis suis et decima annone et uinearum et omnium molendinorum et omnium reddituum qui sunt uel prouenire poterunt ex eadem uilla piscationem in aqua quantum durat terra monachorum ex utraque parte ad placitum suum apud Radon ecclesiam cum decima et aliis pertinenciis suis ecclesiam de Mousterol cum decimis bladi et prepositure et molendinorum bladariorum et omnium reddituum et emendationum quie ex eadem uilla et pertinenciis eius poterunt prouenire et tres furnos in eadem uilla et terras et homines plures theloneum quoque et consuetudines de omnibus rebus quas homines eorum uendunt uel emunt per totum feodum de Mosterol ecclesiam de Estouui cum decimis et aliis pertinentiis suis et totam decimam molendini de Roureio de dono Ricardi de Coluncis et capellam de Estouui de dono Roberti de Corceio apud Noron prioratum sancti Petri cum ecclesia sancti Cirici cum omnibus decimis et terris et hominibus et aliis pertinenciis suis Quare uolo et firmiter precipio ut hec supradicta omnia que in presenti carta mea confirmaui ita libere et quiete teneant et possideant sicut unquam aliquis homo de me aliquid melius et honorificentius tenuit et possidebit Testibus G[aufrido] Rothomagensi archiepiscopo W comite Pontiui Nigello de Albigneio Roberto de Grentemesnil Roberto Geroiano Patricio de Chahorcis Goel de Iureio W de Sacio Apud Rothomagum