Charter Document - 03781790

Henricus rex Anglorum archiepiscopis episcopis abbatibus baronibus uicecomitibus et omnibus fidelibus suis sancte ecclesie per Angliam constitute salutem Sciatis quod Robertus comes Legrecestre dedit et concessit deo et ecclesie sancte Marie de Geroldonia et monachis ibidem deo seruientibus v carucatas et iii uirgatas terre in Geroldonia cum pratis et pascuis omnibus eidem terre pertinentibus et ut habeant pasturam bobus et uaccis et porcis et capris et equis et omnibus animalibus eorum quicumque generis sint quiete omnino de pasnagio et omni alia consuetudine in nemoribus suis de Sepheia et Disselai Preterea concedit eis ut habeant de eisdem nemoribus materiam ad domos suas faciendas et omnia alia necessaria sua et ligna ad ignem quodcumque necessarium fuerit ad haias suas et ad cetera omnia aisiamenta sua sine uasto foreste et quod non fit destructio nemoris Hanc autem eius supradictam donationem et omnimodam concessionem concedo et regia auctoritate in perpetuum confirmo sicut comes ipse sua carta propria concessit et confirmauit Et precipio quod ecclesia predicta et monachi bene et in pace et honorifice et libere et quiete teneant cum omnibus libertatibus et consuetudinibus sicu alie ecclesie et elemosine de terra mea melius et liberius tenent Testibus W[illelmo] archiepiscopo Cantuarie et Thurstano Eboracensi archiepiscopo et R[ogero] episcopo Sarum et H[enrico] episcopo Winton et A[lexandro] episcopo Lincoln et G[aufrido] cancellario [Apud]