utl logo
UTL Home | Ethiopia Images | Central and Inner Asia Studies

Charter Document - 03790506

Charter Number: 03790506
Cartulary Title: Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster]
Charter Language: Latin
Charter Origin: Royal
Charter Type(s): Record
Date: 1136 - 1137
Date Type: Assigned

map View Map
Charter:
Othwer[us] quondam regie turris custos vim inferens Normanno priori et canonicis ecclesie Sancte Trinitatis Lond[onie] de quorum jure transiuit soka appellata Englyschknycte[n]gyld[a] in possessionem ipsius ecclesie magnam partem ejusdem soce eis abstulit Aschuill[us] etiam succ[essor] Oth[er]i in turris custodia eandem partem vi tenuit nec aliquatenus dimittere voluit Tunc prior N[ormannus] adito r[ege] H[enrico] petiit ut sibi inde justicia[m] teneret quod concessit rex et per breve suum iussit Sed predicto Asch[uillo] impediente rursus dilata est usque ad obitum regis Henrici Secundo autem anno regni Stephani regis quadam vice cum esset rex Westmon[asterii] adiit prefatus prior assistentibus et auxiliantibus sibi regina Matilde ipsius regis coniuge Algaro episcopo Co[n]sta[n]cie Rog[er]o tunc cancellar[io] Ar[n]ulfo archid[iacono] Sagiens[i] Will[elm]o Martel dapifero Rob[erto] de Curcy Albric[o] de Ver Gaufrid[o] de Magnavilla Hug[one] le Bigot Ada[m] de Balnai Andr[ea] Buchui[n]te pluribusque allis burgensibus Lond[onie] adiit eum et diligenter ostendit qua vi vel iniuria pars illa a reliqua fuerit separata Aduocat[o] etiam Aschuillo coram rege quesitum est ab eo quo jure partem illam tenuisset et quid super eam clamasset Ipse vero respondit se nil super ea clamare sed sic inquit Tenui Tunc rex viva voce Andr[ee] justiciar[io] suo ceterisque burgensibus qui ibi aderant precepit ipsis etiam ceterisque per breve suum mandavit quatinus certum diem priori constituerent in quo super eandem terram convenientes rem rationabiliter examinarent examinata autem sic permaneret quemadmodum fuerat in tempore regis Sancti Edwardi Quod si prior potuisset ostendere partem illam esse de predicto jure ecclesie sine dilatione seisiaretur Quod ita factum est Statuto die super eandem terram convenerunt ex una parte prior cum coadiutoribus suis ex alia parte Andr[eas] Buchui[n]te et plures alii maiores et meliores Lond[onie] Ratione igitur deducta a tempore Sancti Edwardi regis usque ad illum diem quo hoc fiebat inuentum est ac ostensum illam partem ad reliquam pertinere et totam similiter de predicto jure Quod etiam ibidem probatum est multis testibus et sacramento xxi hominum quorum hec sunt nomina Orgar[us] monachus cognomento le prude Ailwin[us] filius Radumf[i] Estmund Alfricus Cheich Brictred[us] cuherd Wulfred[us] Semar Batun Alsi[us] Berman Wlpsi faber Alfwin[us] Hallen Leuesune faber Wlwin[us] Abbot Ailwin[us] clericus Algarus frater Gerald[i] Wlfric[us] carnifex Elfret Cugel Wlfric[us] Edric[us] Modlievesune Godwin[us] Balle Et multi alii parati fuerunt jurare sed isti judicati sunt sufficere Hoc itaque modo hacque ratione et justicia tota illa terra et soca adjudicatum est predicte ecclesie Quam Stephanus rex confirmat prefate ecclesie ut patet per cartam sequentem
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter