Charter Document - 03910039
Charter Number: 03910039
Cartulary Title: Kremsmünster, Stift
Charter Language: Latin
Charter Origin: Papal
Charter Type(s): Mandate
Date: 1185
Date Type: Assigned
Resource Link(s): Monasterium.net
View Map
Cartulary Title: Kremsmünster, Stift
Charter Language: Latin
Charter Origin: Papal
Charter Type(s): Mandate
Date: 1185
Date Type: Assigned
Resource Link(s): Monasterium.net
View Map
Charter:
Urbanus episcopus seruus seruorum dei D patauiensi episcopo dilecto fratri suo salutem et apostolicam benedictionem Cum super intrusione et incubacione fratris tui qua monasterium Chremise nititur detinere licet in pluribus abbaciis officium exerceat aliis enormitatibus quas pro obtinenda eiusdem monasterii abbacia circa dilectos filios nostros electum et fratres eiusdem ecclesie tam tu quam ipse non es veritus perpetrare quas eciam in eodem monasterio moram faciens addidit ad felicis memorie Lucium III papam predecessorem nostrum fratrum ipsius ecclesie grauis quum conquestio peruenisset dilectis filiis nostris de S Cruce et de Gaersten abbatibus Saltzpurgensi et Neunburgensi prepositis excessum ipsius auctoritate commisit apostolica corrigendum dans eis pariter in mandatis vt tibi nichilominus si constaret eis de hiis que de facto ipso aduersus te proposita fuerant districtius iniungerent vt ad festum S luce proxime preteritum satis facturus de tanto excesso apostolico te conspectui presentares alioquin te ab officio pontificali suspenderent et facerent manere suspensum donec mandatum apostolicum adimpleres Verum sicut nobis iterata eorum fratrum et miserabilis conquestio patefecit cum ipsi iudices fratrem tuum ad suam presenciam conuocassent ipse iudicio consciencie iam dampnatus ad eorum presenciam non accessit Tu uero licet citatus pluries semel tantum accesseris factum tuum corigere pariter neglexisti Ideoque tibi per iterata scripta mandamus et districte precipimus quatenus dominica qua cantatur Oculi mei responsurus super omnibus que de facto ipso contra te proposita fuerint nostro te conspectui representes Eos vero qui ipsum dicuntur monasterium per violenciam detinere qui eciam sacrarium confringentes calicem et alia plura alienasse dicuntur per excommunicacionis et interdicti sentenciam a monasterio ipso sine dilacione remoueas et fratres non permittas vlterius molestari Data verone Idus Decembris
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
