utl logo
UTL Home | Ethiopia Images | Central and Inner Asia Studies

Charter Document - 03910097

Charter Number: 03910097
Cartulary Title: Kremsmünster, Stift
Charter Language: Latin
Charter Origin: Religious
Charter Type(s): Grant
Date: 1264
Date Type: Internal, A.D.
Resource Link(s): Monasterium.net
map View Map
Charter:
Philippus dei gratia sancte Salzeburgensis Ecclesie Electus Apostolice Sedis legatus omnibus ad quos hoc scriptum deuenerit presentis uite felicitatem pariter et future Cum omnium recordari et nullius obliuisci diuinitatis sit pocius quam humanitatis et ne tradat successus temporis obliuionj hoc uenire uolumus ad noticiam singulorum presencium quam futurorum quod pro nostra parentumque nostrorum salute de Predio nostro sito juxta Ecclesiam Sulk sub Castro Himelberc Duarum Marcarum denariorum redditus potestatiua manu immediate Monasterio sancti Agapiti in Kremsmunster Ordinis sancti Benedicti Patauiensis Diocesis tradimus et donamus proprietario Jure perpetuo possidendos nullo penitus Jure in illo nobis Predio reseruato hoc tantum excepto quod uulgo Jus sanguinis appellatur set dictum Monasterium in illa donatione plena gaudeat libertate sicut idem Predium ad nos hereditaria ratione noscitur deuolutum Adicientes deuocius requirendo ut abbas et Conuentus in orationibus eorum vniuersis memoriam nostri agant et singuli Sacerdotum tocius Conuentus in Missa commendare nos ex nomine Deo cottidie teneantur Et ut dicta donatio nostra robur obtineat firmitatis presentes damus litteras Sigilli nostri munimine roboratas Actum Puhelaeren Anno dominj Millessimo Ducentesimo Sexagesimo quarto Idibus Septembris
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter