Charter Document - 03940069
Charter Number: 03940069
Cartulary Title: Reichersberg, Stift
Charter Language: Latin
Charter Origin: Religious
Charter Type(s): Revocation
Date: 1241
Date Type: Internal, A.D., Episcopal
Resource Link(s): Monasterium.net
View Map
Cartulary Title: Reichersberg, Stift
Charter Language: Latin
Charter Origin: Religious
Charter Type(s): Revocation
Date: 1241
Date Type: Internal, A.D., Episcopal
Resource Link(s): Monasterium.net
View Map
Charter:
R[ugerus] Dei gratia Patauiensis Episcopus omnibus christi fidelibus presentem paginam inspecturis salutem in domino Cum ex cum pastorali et ex officio nobis iniuncto ad quod nvllis nostris meritis set ex sola dei miseratione uocati sumus Res ecclesiarum defendere debeamus in quantum possumus et augere per presens scriptum notum facimus vniuersis quod nos iustis peticionibus fratrum in Richersperge annuentes ipsis in Muta superiori quam ex donatione domini nostri Imperatoris pacifice possidemus omnium victualium que ad ipsos pertinere dinoscuntur sine qualibet exactione liberum transitum indulgemus prohibentes districtius et mandantes ne aliquis officialium nostrorum qui a nobis uel etiam a nostris successoribus in ipsa Muta colligenda pro tempore fuerint constituti aliquod uectigal ab ipsis de cetero exigat uel requirat Et ut presens nostrum scriptum et hec largitio robur in perpetuum obtineat firmitatis presentem paginam nostri sigilli munimine fecimus roborari Huius donationis testes sunt Gregorius prepositus de Suoben et capellanus Hainricus schico Meingotus de Waldekk Vlricus de Maemmingen archidyaconi magister Johannes Canonici patauienses Gebolfus notarius Hainricus Zaispergaer Albertus Vze Eberhardus decanus in Taischirchen Otto de Poschmunster Hainricus de Morspach Hainricus de Merswanc Hainricus de Harthaim Werenhardus de Mivrringen Hainricus de Aigelingen Werenhardus de Haichenpach Hugo et Lvtoldus fratres de Sauerstetten et alii quam plures Datum in Richersperge in infirmaria fratrum anno domini Millesimo CCXLI Decima kalendas februarii indictione XIIII pontificatus nostri anno octauo
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
