utl logo
UTL Home | Ethiopia Images | Central and Inner Asia Studies

Charter Document - 03970100

Charter Number: 03970100
Cartulary Title: Seitenstetten, Stift
Charter Language: Latin
Charter Origin: Papal
Charter Type(s): Mandate
Date: 1295
Date Type: Internal, Calendar, Papal
Resource Link(s): Monasterium.net
map View Map
Charter:
Bonifacius episcopus seruus seruorum dei Dilecto filio [] Abbati Monasterij Sitaristeten ordinis sancti Benedicti Patauiensis diocesis Salutem et apostolicam benedictionem Exhibita nobis tua peticio continebat quod nonnulli Monasterij tui Monachi et Conuersi pro uiolenta iniectione manuum in se ipsos et quidam pro detencione proprij alij eciam pro denegata tibi et predecessoribus tuis obedientia seu conspirationis offensa in excommunicationis laqueum inciderunt quorum monachorum quidam diuina celebrarunt officia et receperunt ordines sic ligati Quare super hijs eorum prouideri saluti a nobis humiliter postulasti De tua itaque circumspeccione plenam in domino fiduciam obtinentes discrecioni tue presentium auctoritate concedimus ut eosdem excommunicatos hac uice absoluas ab hujusmodi excommunicationis sentenciis iuxta formam ecclesie uice nostra iniungens eis quod de iure fuerit iniungendum Prouiso ut manuum iniectores quorum fuerit grauis et enormis excessus mittas ad sedem apostolicam absoluendos Cum illis autem ex eisdem Monachis qui facti immemores uel iuris ignari absolutionis beneficio non obtento receperunt ordines et diuina officia celebrarunt iniuncta eis pro modo culpe penitencia competenti eaque peracta liceat tibi de misericordia que superexaltat iudicio prout eorum saluti expedire uideris dispensare Si uero prefati excommunicati Monachi scienter talia non tamen in contemptum clauium presumpserunt eis per biennium ab ordinum execucione suspensis et imposita ipsis penitencia salutari eos postmodum si fuerint bone conuersacionis et uite ad gratiam dispensationis admittas Proprium autem si quod habent dicti Monachi et Conuersi in tuis facias manibus resignari in utilitatem dicti Monasterij conuertendum Datum Lateranj X kal Aprilis Pontificatus nostri Anno Primo
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter