Charter Document - 04040057

Frater Hugo miseratione divina tituli sancte Sabine presbyter cardinalis apostolice sedis legatus dilecto in Christo [] scolastico ecclesie Argentinensis salutem in domino Sua nobis decani rectores vicarii ecclesiarum ac clerici terre monasterii sancti Galli ordinis sancti Benedicti Constantiensis diocesis petitione monstrarunt quod cum inter venerabilem patrem [] episcopum Constantiensem ex una parte ac [] abbatem monasterii predicti gravis discordia mota esset ac idem episcopus terram abbatis eiusdem occasione ipsius discordie interdicto supponens in eos quia interdictum huiusmodi non servabant excommunicationis sententiam promulgasset tandem mediantibus bonis viris inter partes amicabilis compositio intervenit prestito de observanda eadem ab ipsis partibus iuramento per quam ordinatum extitit quod dictus episcopus absolutionem petentibus absque difficultate qualibet largiretur Verum cum episcopus ipse ipsos absolvere nequeat utpote per nos vinculo excommunicationis astrictus supplicarunt nobis humiliter ut cum ligatus solvendi non habeat potestatem providere ipsis de absolutionis et dispensationis beneficio curaremus Ideoque discretioni tue qua fungimur auctoritate mandamus quatinus si est ita eisdem rectoribus vicariis et clericis auctoritate nostra absolutionis iuxta formam ecclesie ac si quam proinde irregularitatis maculam contraxerunt dispensationis beneficium largiaris iniunctis sibi salutari penitentia et aliis que fuerint iniungenda Dat Treueri non iulii pontificatus domini Innoc[entii] pape IIII anno undecimo