Charter Document - 04040222
Charter Number: 04040222
Cartulary Title: St. Gallen, Stiftsarchiv
Charter Language: Latin
Charter Origin: Religious
Charter Type(s): Annexation
Date: 1265
Date Type: Internal, A.D.
Resource Link(s): Monasterium.net
View Map
Cartulary Title: St. Gallen, Stiftsarchiv
Charter Language: Latin
Charter Origin: Religious
Charter Type(s): Annexation
Date: 1265
Date Type: Internal, A.D.
Resource Link(s): Monasterium.net
View Map
Charter:
Henricus + dei gratia Curiensis electus universis hanc litteram inspecturis salutem in perpetuum Cum ex officio pastorali omnibus ecclesiis ac servis Christi sibi devote famulantibus pio affectu subvenire debeamus ad dilectos in Christo [] abbatem et conventum sancti Johannis in Turtal oculis misericordie respicientes paupertati eorum ex ipsorum devotione manum intendimus porrigere karitatis Hinc noverit presens etas et futura posteritas quod nos cum communi consensu et consilio nostri capituli capellam in Chalcherrun que ex antiquis temporibus ad collationem dictorum abbatis et conventus spectare dinoscebatur contulimus propter deum gratia speciali eos prevenire volentes ita quod redditus dicte capelle ad mensam abbatis et fratrum inposterum redundent et ipsi dictos redditus percipiant pacifice et quiete Insuper gratiam huiusmodi eis amplificare desiderantes damus eis facultatem instituendi vicarium dicte capelle unum ex fratribus quem voluerint idoneum salvo iure diocesani Et ne presens gratia dictis abbati et fratribus a nobis facta inposterum a successoribus nostris vel a quoquam infringatur vel aliquatenus irritetur presentem paginam sigillorum nostrorum munimine roboratam eis contulimus et ad certam rei firmitatem sepe dictam gratiam dictis sigillis fideliter munimus Acta sunt hec in choro Curiensi anno gratie millesimo ducentesimo sexagesimo quinto V idus decembris die mercurii nona die intrante eodem indicionis none presentibus testibus magistro Vol decano Curiensi domino Bur preposito ibidem domino Arnoldo de Libec canonico dicte ecclesie et aliis canonicis domino Conrado milite de Ruhenberc Sifrido advoca[to Burckar]do dicto Balf et aliis quam pluribus
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
