Charter Document - 04050007

In nomine sancte et individue trinitatis + Notum sit omnibus tam futuris quam presentibus quod dominus Liutoldus de Reginsberch et filius suus eiusdem nominis predium suum In Ruti In Esilsuurt et Willospovl Cum omni iure et proprietate qua possederant tradiderunt deo et sancte Marie pro salute animarum suarum et parentum suorum Hoc autem prepositus quondam In Curwalde nomine Ovdalricus eo intuitu In vice fratrum suorum recepit ut Premonstratensium ordinem ibi instituerent Sed Quoniam decime iam dicti predii et Capella sancti Nicolai Cum dote sua subiecta fuerant ecclesie Buschilche consentientibus et legitime resignantibus Chovnrado plebano eiusdem ecclesie et Chovnrado abbate Fabariensi eiusdem ecclesie patrono Cum consensu fratrum suorum ac ministerialium eiusdem loci auctoritate domini Chovnradi Constantiensis ecclesie episcopi digna reconpensatione exempta sunt ab eadem ecclesia ut ibidem deo famulantes quietius regulari discipline possent subiacere et eedem decime deinceps sine omni contradictione ad canonicos ibidem deo servientes Cum omni iure quo eas prenominatus plebanus possederat pertinerent Dotem vero predicte capelle Binzholz que seorsum sita est a predicto predio et particulam silve apud Hulstein predictis dominis consentientibus prefatus plebanus sibi retinuit Eidem autem abbati et plebano reconpensatio ex parte collata est a fundatoribus nostris In allodio quod habuerunt Chendibraton quod ipsi receperunt pro V modus tritici ipsi autem fundatores consensu abbatis et plebani advocatiam sibi retinuerunt de qua tamen singulis annis tenentur tantum recipere VII solidos vel precium tantum valens et ultra nil sibi usurpare debebunt Predictus autem prepositus In Ruti ac conventus eius prefate ecclesie aliud predium quod Bietinsholz nominatur quod VI modios tritici plenarie persolvit libere et sine omni advocatia tradiderunt ac insuper III marcas argenti et dimidiam sepius dicte ecclesie In supplementum contulerunt episcopus autem Constantiensis ecclesie super eisdem decimis In perpetuum ius suum resignavit ita videlicet ut prefatum predium Cum omnibus appendiciis suis ab omni decimatione cultorum et novalium et animalium et episcoporum omnium impeticione semper immune persistat episcopi autem canonem sui accessus a plebano de Buschilche cui decimarum sufficiens reconpensatio facta est pro sua iusticia requirant Hec autem facta sunt anno incarnationis domini MCCXVII regnante Friderico rege Romanorum et Sicilie huius rei Testes sunt Ovlricus decanus de Vstire Hainricus decanus de Luceria Chovnradus plebanus de Walde Hainricus plebanus de Wurmispach dominus Burchardus de Buobinchon dominus Burchardus de Wediswilere Bruno plebanus de Wiezinanch Egilolfus de Capella plebanus de Steuei Rovdolfus plebanus de Vffinowe Ovlricus plebanus de Steuei et Hainricus plebanus de Wangin Wido abbas de Capella et monachus suus Hainricus et alii quam plures Hec omnia tandem confirmata sunt Hunbrechticon In conventu clericorum In festo Hilarii confessoris