utl logo
UTL Home | Ethiopia Images | Central and Inner Asia Studies

Charter Document - 04050112

Charter Number: 04050112
Cartulary Title: Chartularium Sangallense III [St. Gallen]
Charter Language: Latin
Charter Origin: Religious
Charter Type(s): Interdiction
Date: 1243
Date Type: Internal, A.D., Feast
Resource Link(s): Monasterium.net
map View Map
Charter:
Venerabilibus in Christo conventui sancti Galli C scolasticus Argent[inensis] et C abbas de Altorf a sancte Magunt[ine] sedis iudicibus delegati iudices reverentiam et orationes in domino devotas Licet auctoritate qua fungimur contra universitatem vestram ad nostram citatam presentiam peremptorie Argentinam VI feria post purificationem beate virginis ad instantiam abbatisse et conventus de Oberiet ad prosequendam causam quam cum ipsis super quibusdam bonis de Norsingin coram venerabili domino Constantiensi episcopo aggredi attemptastis cum non veneritis nec miseritis responsalem potuerimus durius processisse tamen nobilitati vestre quam speciali dilectione amplectimur deferre plurimum cupientes penam contumatie moderantes prohibentes sententialiter ne in choro monasterii vestri divinum officium peragatis dominum abbatem ab ingressu monasterii nichilominus excludentes Prohibemus vobis etiam sub pena suspensionis et interdicti ne dictas abbatissam et conventum ad aliquod aliud iudicium super nobis commisso negotio pertrahatis Parati sumus enim vobis de predictis iusticie plenitudinem exhibere Dat Argentine anno domini MCCXLIII proximo sabbato post purificationem beate virginis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter