utl logo
UTL Home | Ethiopia Images | Central and Inner Asia Studies

Charter Document - 04050117

Charter Number: 04050117
Cartulary Title: Chartularium Sangallense III [St. Gallen]
Charter Language: Latin
Charter Origin: Religious
Charter Type(s): Interdiction
Date: 1243
Date Type: Internal, A.D., Feast
Resource Link(s): Monasterium.net
map View Map
Charter:
[] abbas de Altorf et C scolasticus Argentinensis dictus de Wasserstelze iudices a sede Magunt[ina] delegati viris honorabilibus [] preposito de Curwalde et electo in prepositum Curiensem dicto de Juualt deum habere pre oculis et non peccare Scripsimus vobis aliquando si bene meminimus prohibentes sub pena excommunicationis ne contra pauperculas mulieres abbatissam et conventum de Oberriet procederitis in causa que inter ipsas ex una parte et venerabiles abbatem et conventum de sancto Gallo ex altera vertitur super quibusdam bonis iuris emphiteutici sitis Norsingen cum eadem causa nobis a sede Magunt[ina] sit commissa et per nostram interlocutoriam a qua non fuit appellatum legitime non obstantibus litteris vobis ab eadem sede directis obtentis suggestione falsa veritate tacita sit recepta Sed vos mandatum nostrum minus provide contempnentes in ipsarum vexatione excommunicando de facto ut asseritur quia de iure non potestis molestare contra deum et homines non cessatis Unde cum ad nostram citati presentiam Argentinam propter excessum huiusmodi corrigendum ubi etiam potuissetis autentici nostri copiam habuisse non veneritis nec aliquem miseritis responsalem vobiscum tamen mitius agere cupientes monemus in domino ne contra predictas mulieres aliquid de cetero attemptetis scientes quod si ultra verba vel scripturam apposueritis predictis mulieribus ad nocendum nunc excommunicamus vos precipientes eandem sententiam ab omnibus inviolabiliter observari citantes vos nichilominus secunda feria post quasi modo geniti ad presentiam nostram Argentinam contra vos severius processuri si prohibitionis nostre transgressores inventi fueritis in hac parte Dat anno domini MCCXLIII in festo Benedicti presentis anni apud Argentinam
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter