Charter Document - 04050270
Charter Number: 04050270
Cartulary Title: Chartularium Sangallense III [St. Gallen]
Charter Language: Latin
Charter Origin: Religious
Charter Type(s): Exchange
Date: 1255
Date Type: Internal, A.D., Calendar
Resource Link(s): Monasterium.net
View Map
Cartulary Title: Chartularium Sangallense III [St. Gallen]
Charter Language: Latin
Charter Origin: Religious
Charter Type(s): Exchange
Date: 1255
Date Type: Internal, A.D., Calendar
Resource Link(s): Monasterium.net
View Map
Charter:
Universis presens scriptum inspecturis B dei gratia abbas totusque conventus monasterii sancti Galli salutem et noticiam subscriptorum Supplicavit nobis dilectus in Christo Herdegino miles de Heidelberc ministerialis ecclesie Constantiensis ut dominium bonorum que habemus in Widinsdorf cum decimis et aliis attinentiis suis que idem miles a nobis et monasterio nostro tenebat in feodum sibi permutare vellemus pro quibusdam curiis in Heidoltswiller et in Bvowiller sitis cum earum pertinentiis ad eundem militem proprietatis titulo pertinentibus et ab eo quiete possessis Et ut contractus huiusmodi permutationis debitum sortiri posset effectum idem miles nobis ac monasterio nostro plene cavit se facturum omnia que ad firma mentum contractus eiusdem necessaria videremus Nos igitur tum ipsius militis gratia tum ob meliorationem monasterii nostri sine qua legitima non fit permutatio dicta bona in Widinsdorf cum decimis et aliis attinentiis suis sicut dictum est memorato militi pro prefatis curiis in Heidoltswiller et in Bvowiller ac earum pertinentiis permutamus et easdem curias rursum eidem nichilominus nomine feodi tenendas a nobis duximus concedendas transferentes etiam sicut idem miles petiit dicta bona in Widinsdorf cum decimis et attinentiis suis in ius et proprietatem ecclesie Constantiensis in recompensationem videlicet predictarum curiarum in Heidoltswiller et in Bvowiller quas venerabilis in Christo pater E dei gratia episcopus totumque capitulum Constantiensis ecclesie monasterio nostro ad peticionem dicti militis contulerunt In cuius rei memoriam presens scriptum sigillorum nostrorum munimine roboramus Act apud sanctum Gallum anno domini MCCLV XV kl febr indict terciadecima
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
