Charter Document - 04050414

Cum pertineat ad sublimitatem prelatorum serena mente obsequio suorum fidelium attendere iustum ac rationabile censetur eorundem fidelium iustis acquiescere peticionibus Ea propter dilecti fideles nostri Vicecomites Mediolani considerantes liberalitatem et laborem quem ob defenssionem habbatiole nostre sancte scilicet Marie de Maxino et capellarum eius pro nobis sub sustinuistis peticiones vestras suscipiendo vos digne honorare decrevimus anno igitur ab incarnatione domini nostri Yesu Christi millesimo centesimo septuagesimo nono indic duodecima septimo die mensis maii Nos in dei nomine ego scilicet Dedelricus habbas monasterii sancti Galli et ego Dedelricus prepositus eiusdem habbatis a parte tocius capituli confirmamus tibi Ottoni Vicecomiti Mediolani filio quondam Guidonis Vicecomitis et filiis tuis masculis et feminis et nepotibus tuis filiis Mazechi et Guillelmi atque heredibus vestris masculis et feminis et cui vos dederitis finem et reffutationem atque transactionem factas a domino Guarnerio quondam habbate sancti Galli precessore nostro et a preposito suo Nothero et ab Adilperto decano claustri sancti Galli et a toto capitulo nominative de tota curte Massini ubicunque in partibus Lombardie inveniri potuerint cum omnibus ad eandem curtem pertinentibus in omni iurisdictione temporalium et de omnibus casis et omnibus rebus territoriis iuris sancti Galli cum omnibus fictis redditibus pensionibus usibus honoribus condictionibus districtis albergariis servis et ancilis aldiis cum curtibus vineis pratis pascuis silvis salectis sationibus aquis aquarumque decursibus molendinis piscationibus theloneis montibus vallibus planitiebus viganalibus cultis et incultis divisis et indivisis aldianis atque de iuditio calentis ferri et iuditio aque et de iuditio monomachie et duelli quod fit per campiones Confirmamus insuper vobis advocatiam et que ad eam pertinent et defenssionem abbatiole sancte Marie de Massino et sancti Michaelis ecclesie eiusdem ville et eclexie sancti Petri de Grauanola capellarum prefate habbatiole et aliarum capellarum ad eandem pertinentium Confirmamus rursum vobis assensum prebere in ellectione prelati et clericorum canonice facta nobis prorsus reservantes et eximentes aut cui comisserimus omnia spiritualia fondationes s[cilicet] et consecrationis ecclesiarum et dominium cimiteriorum et licentiam promotionis omnium clericorum et investituras eorundem et prebendarum iuditium matrimoniorum et penitentiarum donationem crismatis et batismi interdictiones et excommunicationes in populo et omnem ordinationem in ecclesiis preter vobis de advocatia et sibi pertinentibus concessam Hec omnia que prediximus et sicut prediximus ita inviolabiliter observari sancimus Offensiones vero utrinque illatas omnino remissas profitemur Adicientes de censuali redditione secundum tenorem privillegii antecessoris nostri Guarnerii anuatim monasterio beati Galli persolvenda Actum Cumis in Christi nomine feliciter amen + Ego Dedelricus habbas sancti Galli a me facta scripsi et confirmavi Ego Udalricus magister et capellanus habbatis sancti Galli dictavi et subscripsi Ego Udalricus prepositus subscripsi et confirmavi Ego magister Ambroxius rogatus interfui et scripsi Interfuerunt testes Hilteboldus de Steyana Guarnerius Crecius Conradus Constanciensis episcopatus sacerdos Anselmus de Rezol Sozobel de Inter duos muros Monacus clericus de Derui Otto Coriensis ecclesie sacerdos dominus Ylarius de Besuzo Lanfracus de Puzobonello Rolandus de sancta Eufomia Ant de sancto Naz[ari]o scripsit