Charter Document - 04060010
Charter Number: 04060010
Cartulary Title: Chartularium Sangallense IV [St. Gallen]
Charter Language: Latin
Charter Origin: Religious
Charter Type(s): Sale
Date: 1266
Date Type: Internal, A.D.
Resource Link(s): Monasterium.net
View Map
Cartulary Title: Chartularium Sangallense IV [St. Gallen]
Charter Language: Latin
Charter Origin: Religious
Charter Type(s): Sale
Date: 1266
Date Type: Internal, A.D.
Resource Link(s): Monasterium.net
View Map
Charter:
Reverendo domino suo et semper diligendo B dei gratia abbati sancti Galli B de Dielstorf canonicus Episcopaliscelle suus clericus devotus promptitudinem serviendi cum devotione sincera Tenore presentium vestre cupio innotescere dominationi me possessiones meas sitas in banno Dielstorf quas titulo proprietatis possedi cum appendiciis universis agris pratis silvis cultis et incultis vendidisse religiosis viris [] abbati et conventui monasterii in Wetingin pro certa summa peccunie quadraginta novem videlicet marcis argenti puri et legalis et per manum domini Heinrici de Steinemur militis cognati mei quem pro consuetudine terre advocatum michi elegi ipsis tradidisse Insuper etiam possessiones meas sitas in Sunnikon quas etiam iure proprietatis possedi et in homagio a patre meo et me tenebantur cum hominibus universis ad me iure proprietatis pertinentibus in diversis locis infra fluvium Are et montana degentibus in remedium animarum patris fratrum meorum et mee dicto monasterio tradidi et donavi ita tamen ut de possessionibus prefatis singulis annis duas libras cere vestro monasterio sancti Galli dicti abbas et conventus in festo sancti Galli pro annuo censu persolvant Renuntio etiam omni iuri et actioni ac omni iuris auxilio canonici et civilis per presentes michi contra dictam venditionem et donationem competentibus vel competituris Ut autem premissa vendicio robur obtineat firmitatis presens instrumentum prefatis dominis abbati et conventui de Wetingin in testimonium trado sigillo meo communitum Actum in villa Wetingin anno domini MCCLXVI mense maio
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
