utl logo
UTL Home | Ethiopia Images | Central and Inner Asia Studies

Charter Document - 04140249

Charter Number: 04140249
Cartulary Title: Freising, Bistum und Hochstift (763 - 1364 [1350])
Charter Language: Latin
Charter Origin: Religious
Charter Type(s): Confirmation
Date: 1265
Date Type: Internal, A.D., Feast
Resource Link(s): Monasterium.net
map View Map
Charter:
Notum sit omnibus presens scriptum intuentibus quod cum nos Morhardus dei gracia prepositus Werdensis canonicus Frisingensis litteras a sede apostolica recepissemus in hec uerba [] Volentes itaque negotium nobis commissum debitum producere ad effectum litteris nostris per Rudlinum dyaconum venerabilem in Christo patrem [] episcopum Lauentensem et capitulum eiusdem ecclesie peremptorie in Frisaco in ecclesia sancti Bartholomei proxima feria sexta ante festum beati Michahelis ad nostram presentiam duximus euocandos Quo die et loco nobis et magistro H pro parte sua comparentibus ex parte dictorum domini episcopi et capituli Lauentensis nemo nostro se conspectui presentauit Circa vesperam itaque eiusdem diei in predicta ecclesia recepto iuramento et prestito a prefato Rudlino dyacono quod tempore congruo littere nostre citatorie ab ipso presentate et lecte fuerint publice in ecclesia Lauentensi et sequenti die coram Eberhardo procuratore memorati domini episcopi eundem diem ex benignitate iudiciaria continuauimus quo ad iudicium diei sequentis prefigentes terminum partibus horam primam ipsius diei Tali igitur die hoc est in Sabbato ante festum beati Michahelis et hora premissa nobis in dicta ecclesia presidentibus et sepedicto magistro H coram nobis comparente in presentia discretorum virorum [] decani magistri Chunradi et Waldmanni et aliorum de capitulo dicte ecclesie Frisacensis memoratam partem dominum episcopum videlicet et capitulum Lauentense iudicauimus vt debuimus contumacem Quo facto reuolutis et discussis actis iudiciorum honorabilis viri domini Ludwici archidiaconi Carniole et Marchie in premissa causa a sede apostolica delegati factaque nobis plena fide de canonico processu in causa sepedicta sententiam diffinitiuam contra tunc temporis electum et ecclesiam Lauendensem pro sepedicto magistro H canonico sancti Andree Frisingensis super ecclesia sancti Petri Salzburgensis ab ipso archidiacono latam in hec verba Judicamus rite iuste et rationabiliter tote latam eam auctoritate apostolica in nomine patris et filii et spiritus sancti confirmantes decernendo eam ab omnibus quos tangit idem negotium inuiolabiliter obseruari Acta sunt hec anno domini MCCLXV in die Sabbati proximi ante festum beati Michahelis in monasterio Frisacensi In huius rei euidenciam presens scriptum uolumus nostri sigilli munimine consignari
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter