Charter Document - 04210012

In nomine sancte et Indiuidue trinitatis Karlomannus diuina fauente gratia rex Notum sit omnibus fidelibus sancte dei ecclesie nostrisque presentibus et futuris qualiter quidam uir uenerabilis embricho regine urbis episcopus neposque illius hitto abbas monasterii ad lunelacum nostram adierunt excellentiam una cum aduocatis atque primatibus sancti emmerammi martyris Christi postulantes ut ipsis per nostre licentie consensum quandam aptam utilemque [complacitationem] facere liceret Tradidit itaque idem prefatus abbas hitto per consensum nostrum atque episcopi prefate sedis totiusque familie ipsius ecclesie ad sanctum dei martyrem emmerammum proprietates suas quales habuit ad perga juxta ufhusa et ad albrichinchofa iuxta rocchinga in manum predicti antistitis aduocatique illius gundberti Cum curtibus edificiis mancipiis utriusque sexus pecudibus domibus agris cultis et incultis siluis aquis aquarumque decursibus pratis pascuis quesitis et inquesitis mobilibus et inmobilibus et que in posterum in ipsis locis adaugeri potuerit omnia illuc transfundebat atque donabat Ea namque ratione quatinus beneficia que prius habuit de prefate sedis Episcopo iam iamque dicto Id est lentinchofa rodfatinchoua aragisinchoua hardheim heskilebah ergoltesbah coginbah benninchoua piepetinchoua cum uniuersis pertinentiis atque adiacentiis eorundem locorum firmiter in proprietatem teneat atque possideat una cum supra nominatis atque traditis proprietatibus usque in finem uite sue sine ulla diminoratione uel mutatione post obitum uero suum integriter cuncta maneant in potestate sancti emmerammi et prouisoris eiusdem Ecclesie Cuius rei gratia hoc presens preceptum nostre auctoritatis scribere iussimus per quod decernimus atque omnino iubemus ut hec ipsa complacitatio per cuncta tempora inuiolabilis permaneat Et ut hec auctoritas nostri consensus perpetualiter uerius credatur ac diligentius conseruetur manu propria nostra subtus eam firmauimus Et anulo nostro sigillari iussimus Signum arnolfi gloriosissimi regis Signum Karlomanni Inuictissimi regis Madaluuinus notarius ad uicem Theotmari archicappellani recognoui et ss Data XII Kal oct anno III regni Karlomanni serenissimi regis in bauuaria et in italia II Indict XII actum ad hohberahhah curte regia in dei nomine feliciter Amen