utl logo
UTL Home | Ethiopia Images | Central and Inner Asia Studies

Charter Document - 04210058

Charter Number: 04210058
Cartulary Title: Oberösterreichisches Urkundenbuch, weltlicher Teil (540 - 1399 [1350])
Charter Language: Latin
Charter Origin: Religious
Charter Type(s): Appointment
Date: 1117
Date Type: Internal, A.D., Regnal, Episcopal
Resource Link(s): Monasterium.net
map View Map
Charter:
In nomine sancte et individue Trinitatis Ego Chunradus Dei gratia sancte Salzburgensis Ecclesie Archiepiscopus omnibus Christi fidelibus In excelsa constituti specla predonum incursus providere et hiantium luporum morsus a grege summi pastoris debent arcere Unde et nos monastice quieti et divine sacrarum personarum contemplationi consulentes ne seram forte vulneratis caulis afferamus medelam in tempore statuimus occurrere Est igitur in civitate nostra monasterium quod beatus Rudbertus pater et patronus noster fundavit et sanctam virginem Erindrudem abbatissam sanctimonialibus inibi consecravit duxque Theodo multis reditibus ampliavit Hujus Ecclesie advocatia fidelem nostrum Otakarum marchionem de Styre virum tam strenuum quam discretum rogatu dilecte sororis nostre Diemudis nunc Abbatisse in beneficiavimus cujus et tuitione sit monasterii possessio et discretione illesa permaneat a gravi advocatorum vexatione subnectentes illi in mandatis et sub obtentu beneficii interminantes ne quem suorum fidelium eadem advocatia unquam in beneficiare sed neque ubivis locorum sine consensu prefate Abbatisse et ejus sequacium cuiquam secundario velit assignare Et quia predictarum sanctimonialium orationibus nos speramus foveri partem agelli ad Arnstorf vineis earum adjacentem et necessariam contulimus ut centuplicatam mercedem in terra viventium recipiamus Cunctas ad hec possessiones vel decimationes a regibus ab episcopis a principibus seu a quibuslibet fidelibus eis oblatas concambiatas aut juste quoquomodo acquisitas videlicet in Oriente Welmik Phletniz Mezilinstorf Arnstorf Hasilpach Lovngoe quod Heinricus Imperator dedit Schalah et quidquid Radstat et Bongoe Enstal situm est et quod Halle detinent scilicet pontem Puhiln cum omnibus ad ipsum locum pertinentibus quartam partem aque in Gerhohisprete et tertiam partem aque in Wazimannsgalgen et dimidium aque none partis quam tradidit Wezil et octavam partem aque in ligno quod dicitur Herdeginsprete et item octavam partem in eodem ligno quatuor loca patellaria et dimidium loca curtilia quatuor et dimidium et pratum quod tradidit Wiso Figun cum viculis suis Glese Morzige cum decimationibus suis Ebideshusin cum omnibus ad ipsum locum pertinentibus Titimenningen cum decimationibus et quidquid ad ipsum locum pertinet quem etiam locum Regindrut regina dedit Chamera cum curtibus et decimationibus suis Hirzowe cum molendinis et piscationibus Wilpuch Eicha Chapfs cum villulis adjacentibus Lerch Oste tres vineas Priupah sitas Haginspuch Geppinheim curtem Loufin sitam et si qua sunt alia que dinumerare longum est culta et inculta quesita et inquirenda in cadmiis in locis salinariis in agris silvis vineis pratis piscationibus exitibus vel reditibus aquarum decursibus mancipiis censualibus seu quidquid habent vel habiture sunt omnia conscriptione hac pontificali ut rata tam presentibus quam futuris sint roboramus et sigilli nostri inpressione muniri decrevimus Et cum invocatione patris et filii et spiritus sancti omniumque romanorum pontificum auctoritate quisquis hec disturbare temptaverit sciat se anathematis vinculo innodatum nisi poenituerit L S C Ego Hiltpoldus Gurcensis episcopus ss C Ego Reginbertus abbas S Petri ss C Ego Romanus prepositus S Marie ad zol ss C Ego Hadmarus Archidiaconus Frisacensis ss Actum Frisaci V Id Junii Anno incarnationis domini MCXVII Indict X Paschali II pape sancte Romane ecclesie presidente Anno apostolatus ejus XVII Henrico V Imperatore Anno regni ejus XI Imperii autem VIII Anno vero pontificatus nostri XII Quod subscriptis testibus confirmamus Engilberto duce Karinthie Pernhardo comite Meginhardo comite de Goerze Dietmaro de Lovgoe Eginscalco de Friesach Eppone et Gotfrido fratre ejus de Wietingin Eberhardo de Libnih Alberone de Dietramingin Oulrico Chunrado Reginberto de Sechirchen
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter