utl logo
UTL Home | Ethiopia Images | Central and Inner Asia Studies

Charter Document - 04210127

Charter Number: 04210127
Cartulary Title: Oberösterreichisches Urkundenbuch, weltlicher Teil (540 - 1399 [1350])
Charter Language: Latin
Charter Origin: Religious
Charter Type(s): Arbitration
Date: 1199
Date Type: Internal, A.D., Papal, Episcopal
Resource Link(s): Monasterium.net
map View Map
Charter:
In nomine sancte et individue Trinitatis Amen Berngerus dei gracia abbas sancti Lamberti Chunradus eadem gracia Gurcensis prepositus Omnibus Christi fidelibus tam futuris quam presentibus precipue domino episcopo Pataviensi Wolfkero nec non eius clero volumus innotescere quod dum controuersiam que vertebatur inter abbatem de Sytansteten et plebanum de Vekelach Stephanum nomine super Capella in Rebgev audiendam et discuciendam et debito fine terminandam apostolico mandato suscepissemus partibus in presencia nostra constitutis et literis utrorumque testimonialibus auditis ne sumptibus iudiciariis ambe partes grauarentur neve altera pars omnino dampnificaretur placuit nobis cum consilio meliorum de mediatoribus amicabili composicione causam decidere fide quidem ab utrisque [vice] sacramenti accepta ut quicquid inter eos super eadem capella statueremus ratum sine contradictione tenerent De consilio itaque nostro predictus plebanus omni iuri quod se in eadem capella habere fatebatur in presencia nostra penitus renunciauit et ipsum abbas in ea personaliter tantum inuestiuit et omnia eidem capelle tunc temporis dum primum collata est monasterio attinencia seu postea donacione aliqua accedencia tempore vite sue seruiant plebano ita quod illa ab eo absoluta nullus post ipsum preter solum abbatem in ea sibi quicquam vsurparet nisi quantum a domino abbate posset impetrare et ipse abbas commoditatem monasterii sui quilibet in eadem capella liberam haberet potestatem ordinandi etsi posset a domino Patauiense episcopo cum consensu prepositi de sancto Floriano in cuius parrochia constituta est eadem capella spiritalia prefato plebano cum temporalibus habenda impetret Ipse vero plebanus annuatim sub nomine pensionis tres solidos monete illius terre domino abbati debet persoluere et transactionem huius negocii ex ordine coram domino Patauense episcopo publicare nec ullo modo clam seu palam quominus spiritalia impetret audeat abbatem impedire Testes huius rei sunt hii Hainricus Archidiaconus Marchie Hainricus Hainricus Gurcenses Canonici Waltherus Monachus sancti Lamberti Gotfridus et Ditmarus et Symon Frisacenses Canonici et alii quam plures Actum apud Frisach anno dominice incarnacionis MCXCVIIIJ Indictione IJ a Nonas Aprilis Presedente sedi apostolice Innocencio papa IIJ Anno Pontificatus eius IJ
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter