Charter Document - 04210160

In nomine sancte et indiuidue trinitatis odalricus gratia dei patauiensis episcopus huius nominis secundus cunctis successoribus suis et omnibus imposterum christi fidelibus in perpetuum amen Pontificalis prouidentia et pastoralis sollicitudo compellit nos religiosis et deo sacratis locis non solum in presenti fauere sed etiam in futurum eorum quieti et securitati ne improborum peruersitate ledi aut perturbari valeant quantum diuina conceditur clementia prouidere quatenus nobis et cunctis fidelibus ex orationibus inibi deo seruientium tanto copiosior fructus accrescat quanto eis ad uacandum deo nullius perturbationis inprobitas obsistere audeat uel presumat Quapropter monasterium a sanctissimo predecessore nostro huius sancte sedis episcopo Altmanno in honore beati Andree apostoli et S Pantaleymonis martiris et precipue beati Nycolai confessoris adiuuante et cooperante felicis memorie Agnete imperatrice in portv eni fluminis fundatum et apostolicorum nostrorum Alexandri et Gregorii paparum et Heinrici regis huius nominis quarti et filii sui imperatoris Heinrici quinti nec non et Vlrici atque Reinberti aliorumque Pataviensis ecclesie venerabilium pontificum priuilegiis et sigillis roboratum ut inconuulsum ac illibatum omni futuro tempore permaneat deo patri sanctisque eius flectere genua precibus et suspiriis non cessamus Cuius rei gratia dilectus in christo frater apud S Nycolaum venerabilis prepositus Vlricus ecclesie sue priuilegia ab antedictis patribus dominis atque principibus auctorabiliter instituta legenda nobis obtulit eaque nostra auctoritate contra nouas ecclesiarum calumpnias renouari conmuni fratrum suorum petitione suppliciter postulauit Nos igitur illius et sui capituli iustis peticionibus debitum consensum adhibentes quecunque nostri antecessores et piissima imperatrix Agnes ceterique fideles predicto cenobio pia deuotione contulerunt vel adhuc conferenda sunt nos quoque collata et nunquam auferenda esse censsemus et quicquid predecessores nostri apostolico et sue auctoritatis banno confirmauerunt nos idem ipsum apostolico nostroque banno confirmantes ab illorum sententia nullatenus dissentimus Hec igitur sunt bona que Agnes imperatrix pro remedio anime sue predicto cenobio donauit Nona videlicet pars omnium que ad Bersinbiuge et Ibesburch ad manus suas reddebantur Que vero sequuntur per manum aduocati sui Reginberti prefatus episcopus Altmannvs iam dicto cenobio tradidit scilicet presignatum portum Eni fluminis cum omni vtilitate sua ecclesiam S Marie magdalene dimidio mansu dotatam in suburbio vero ciuitatis XI domata et quicquid ruris est a danubio usque ad envm preter duo iugera ultra montem Winchobil sita et duas curtes stabularias Semphulingen et Niwinhouin cum omnibus pertinentiis suis Tradidit etiam eidem cenobio deeimas de hortis de pomeriis de uineis de agris que de illo domate coluntur ad hospitale pauperum ibidem constitutum Ad Tantobil dimidium mansum Ad Holzheim quatuor hvbas Heginbach hubam unam Probesrevth hubam vasa tornata soluentem In ripa que dicitur Pevthra dimidiam hubam Pahmvl hubam Savmingen hubam Hasinprvl hvbam ad Windeberch unam Hofsacham ad Steinvelde hubam ad Svonnebach hubam ad Pimzheim unam hofsacham In loco qui dicitur Alburch duas partes decimationis eiusdem ecclesie et tres curtes stabularias In Gehei curtem unam Auekkingen tres hubas soluentes ferrum Hergoluingen hubam Avfhovsen molendinum Rongerstorf curtem unam et dimidiam hubam cum una decima Euchindorf capellam cum omni utilitate et pleno iure et curtem stabulariam et dimidiam hubam cum pratis et siluis illuc pertinentibus Bezirichstorf curtim unam cum omnibus eius appendiciis Enzinwise uillam cum genezeo et molendino siluis pratis piscationibus et omni vtilitate sua In Rivthe VII hubas Dorna curtim unam et hubam et siluam cum pratis et piscationibus et unam decimam Cholinbruonne hubam Wachinwise duas curtes stabularias et hubam unam et dimidiam et unam decimam cum pratis et siluis illuc pertinentibus et piscationem Einhartstorf molendinum et dimidiam hubam cum pratis et siluis et areis et piscationibus Gerchwise tres hubas et tres carradas cereuisie de bonis episcopi in eadem uilla dandas Altheim curtim unam cum omnibus appendiciis Awenchirchen capellam cum omni utilitate et pleno iure et curtim unam cum omnibus eius apendiciis et quicquid utilitatis iidem fratres supradicti cenobii sibi potuerint ordinare tam in agris quam in siluis oblationibus et areis in eadem uilla constitutis et unam decimationem Eitinbach ecclesiam cum omni utilitate et iure parrochiali et unam decimam in omnibus terminis eiusdem ecclesie tam cultis quam colendis Aha hubam cum silua adiacente Vilshouin dimidiam hubam Chupharen tres hubas Hvkkinchouin hubam Havchspach hubam Percheim duas hubas Leimchar duas hubas Ad walde hubam soluentem picem In parrochia Hutaren unam decimationem In parrochia Chelperch unam decimam In parrochia Irsheim unam decimam In ecclesia que dicitur Heimingen duas partes decimationis Duas quoque partes decimationis noualium silue que dicitur Hohenhart tam cultorum quam colendorum in quatuor ecclesiis illis quarum termini in eandem siluam ex inferiore parte porriguntur quarum nomina sunt hec Ebirswanch Schiltaren Aspach Vekkilstorf Tradidit etiam illis ecclesiam Grizchirchen cum omni vtilitate et pleno iure et unam decimam in omnibus terminis eiusdem ecclesie tam cultis quam colendis Dedit etiam fratribus predicti cenobii ecclesiam in Allinchouin cum omni vtilitate et pleno iure et unam decimam decimas quoque noualium in omnibus terminis eiusdem ecclesie et unam hofsacham Ad Evstin curtim unam Strazze quatuor hubas Harde hubam unam cum silua adiacente Winchlaren dimidiam hubam Stude dimidiam hubam Emilingen dimidiam hubam Ad Tvonheim dimidiam hubam Hartheim curiam et dimidiam hubam In Riuthe hubam Bvsinge curiam et dimidiam hubam cum omnibus illuc pertinentibus Leuwentingen hubam et dimidiam In Prvle dimidiam hubam in usum apum et Chaltinbach Ad Rvprehtshovin unam decimam In Oriente in rure circa Ruste et Izindorf decimam unam in omnibus terminis eiusdem ruris tam cultis quam colendis In rure quod dicitur Bivchriche duas partes decimationis in quatuor ecclesiis Niwinchirchen scilicet et Rorinbach Molte et Riedenburch decimas quoque noualium in omnibus terminis earumdem ecclesiarum In ecclesia Stregin duas decimas In parrochia Hohinwart unam partem decimationis in omnibus terminis eiusdem ecclesie tam cultis quam colendis Tradidit etiam eis tres sagenas Sebach unam Matse vnam Patavie unam que protenditur a pede montis in quo sita est ciuitas usque Walkerslegen adiciens quicquid utilitatis predicti fratres sibi in eodem litore potuerint ordinare Preterea contulit eis Sebach tres uineas Ascha duas Wachawe quatuor Huntsheim quatuor Mutaren duas et unam hofsacham In Halle unam sartaginem cum suo iure In Lohe curiam unam In Sebach decimam unam In Lintheim curiam unam Ad Luminaria ecclesie tradidit capellam S Marie in ciuitate Laureacensi cum omni iure et utilitate que prememoratis fratribus tam in oblationibus quam censualibus et areis infra cimiterium sitis et in quibusdam hortis poterit prouenire Pro uestitu autem eorundem fratrum ordinauit XXIIII libras de nauibus Patavie X de Golderwerde VI de Euirdingen quatuor de censv Matse tres de Aufhausen unam Fratres quoque prefati monasterii liberos ab omni aduocatorum seruitio esse uolens comitem Heinricum de Vormbach aduocatum illis in partibus Bawarie et Livpoldum piissimum marchionem in partibus Austrie aduocatum eis ordinauit hoc quasi pro iure semper obseruandum statuendo et auctoritate dei omnipotentis sub pena eterne dampnationis inhibendo ut nec ipsi nec aliqui heredum suorum nec alter quispiam eis quacunque sorte succedentium aduocatorum aliquem sibi nisi fratribus sepe dicti cenobii petentibus subaduocatum presumat ordinare hoc adiuncto ut si aliquis improbus aduocatus postmodum hoc infringere temptauerit is vinculo anathematis se sciat innodatum et eterne ulcionis uindicta nisi resipuerit perpetualiter puniendum Pro seruitio vero quod plerunque occasione aduocatie ab ecclesiasticis personis exigitur X uineas in Rivtaren sitas cum omnibus eorum appendiciis comiti Heinrico de Vormbach et in loco qui dicitur Mvhkerawe tres hubas et LXX mancipia Livpoldo marchioni Austrie in beneficium concessit ea conditione ut nec ipsi nec aliquis succedentium sibi aduocatorum aliquod ab ipsis ratione aduocatie seruitium presumat expetere Quicquid vero reddituum circa Grizchirchen et Allenchouin sepe dictis fratribus contulit sibi et successoribus suis uice aduocati patrocinandum reseruauit auctoritate dei patris omnipotentis firmiter inhibens ut nullus successorum suorum aliquem subaduocatum nisi pro petitione eorundem fratrum ibidem sibi presumat aliquando substituere In omnibus quoque ecclesiis quas eisdem fratribus contulit quicquid iuris et seruitii episcopus in eis habere uidebatur totum ipsis et plenarie contulit Mortuo quoque prelato ipsorum liberam eis electionem indulsit et hec faciens omnia conmuni consilio et consensu canonicorum chori Pataviensis et ministerialium suorum rationabiliter confirmauit Deffuncto igitur pie recordationis Altmanno episcopo successor ipsius in episcopatu Vlricus episcopus fundationem supradicti cenobii et donationem bonorum episcopatui illuc factam approbans et confirmans ecclesiam in Alburch cum omni vtilitate et iure quod Pataviensis ecclesie episcopus ratione fundi in ea habuerit ius uidelicet patronatus fratribus eiusdem monasterii contulit Reginbertus etiam Pataviensis ecclesie episcopus dum se fratres sepe dicti cenobii in portv eni fluminis ablato dampnificasse recognouisset pro reconpensatione dampni eis illati ecclesiam in Harchyrchen cum omni utilitate et pleno iure et unam decimam in omnibus terminis eiusdem ecclesie tam cultis quam colendis ipsis contradidit Idem eis etiam ecclesiam in Swarza que alio nomine Mvnichrivth dicitur dedit cum una decimatione in omnibus terminis eiusdem ecclesie tam cultis quam colendis Horum igitur uestigia imitantes alii quam plures dum religionem sanctam et seruitium dei in eodem monasterio sancte et religiose florere uiderent spiritu sancto edocti redditus suos illuc contulerunt Inter quos Hezil quidam homo nobilis tradidit illuc stabulariam curtim in Peringen et dimidiam hubam cum pratis et awis illuc pertinentibus et duas hubas in Richerstorf cum pratis et siluis illuc pertinentibus Alrammus quidam unam hubam ad Walchsingen Quidam sacerdos nomine Raffoldus uillam in Sunnebach cum silua adiacente et uillam in Burchhartingen cum omnibus suis mancipiis et silua adiacente eidem cenobio tradidit Comes Gebhardus Schalcheim cum omnibus suis pertinentiis dedit Gebhardus quidam cognomento longus molendinum in Pochingen et dimidiam hubam Sacerdos quidam nomine Meingotus uillam in Sunemeningen cum omnibus eius apendiciis Alrammus quidam de Ascha duo predia in Wrgildorf Quidam Meinhardus nomine predia que in Pollinheim et Smidingen habuit Gerhohus quidam predium ad Chrebezpach Quidam sacerdos nomine Ekkericus curiam in Hartheim et dimidiam hubam Adilheidis quedam nobilis uillam in Beneuentenrivth et Grub cum omnibus illuc pertinentibus preterea alia tria predia ibidem sita contulit Hartmannus quidam homo nobilis quatuor predia et molendinum iuxta Prienbach et in Bulziberch hubam dedit Engilbertus de Blanchinberch curiam in Herkerstorf et hubam Reginhalminge et dimidiam hubam in Winchil Engilbertus quidam de Strubin ministerialis episcopatus curtim unam in Ascha et curiam in Wasin cum siluis et pratis et molendino et cum aliis XXIII prediis empticiis et uineam in Ascha dedit Gumpoldus de Porinheim quatuor beneficia tres uineas cum areis in friendorf dedit et montem super quem culte sunt uinee Gebhardus quidam nobilis in Abstorf curiam unam et dimidiam hubam cum pratis et siluis et piscationibus et mancipiis suis Livkardis aduocatrix Ratisponensis quatuor predia in Grintdorf Wernhardus de Horpach et frater suus Chunradus curiam unam in Engilmarsperge Potto de Messingen curiam unam in Sprinzinberge Preterea alii quam plures christi fideles pio istorum exemplo inducti predia sua et alia pro remedio animarum suarum prefato cenobio contulerunt Nos vero diuina misericordia ad Pontificalem Patauiensis ecclesie sedem uocati licet indigni dum fratres supradicti cenobii in quibusdam prediis suis in Golderwerde tam a nostris quam antecessorum nostrorum officialibus ex continua eorum querimonia intellexissemus diu esse pregrauatos saluti nostre et successorum nostrorum nec non indempnitati fratrum consulentes ecclesiam in Widemspach eis pleno iure contulimus cum dote et decimis in omnibus terminis eiusdem ecclesie tam cultis quam colendis predictis reditibus in Golderwerde ad nostra dominicalia reuocatis Hec inquam omnia et quecunque alia bona idem monasterium uel nunc liberalitate predictarum personarum iure possidet vel postmodum iuste et canonice deo fauente poterit adipisci nostre auctoritatis tuitione et sigilli inpressione firmamus et corroboramus eo scilicet tenore et conditione ut ad conmunem usum fratrum ibidem in canonica et regulari uita deo famulantium proficiant et conmuniter regulariterque conuersantes nullus seu in presentiarum sev in futurum de bonis ecclesie proprio uel priuato usui quicquid presumat usurpare sed iuxta apostolice institutionis normam prout cuique opus erit a prelato distribuatur Vt igitur hec omnia firma et illibata in domino permaneant iudicio dei patris omnipotentis et filii et spiritus sancti et auctoritate beati Petri apostoli eiusque successoris Honorii pape huius nominis tercii et fidutia et consolatione beati Andree apostoli et S Panteleymonis martiris et precipue pii confessoris S Nycolai amore et reuerende memorie Altmanni Odalrici Reginberti aliorumque predecessorum nostrorum Pataviensis ecclesie venerabilium pontificum interdicimus firmiter et prohibemus ut nullus successorum nostrorum sev aliquis secularis vel ecclesiastica persona de nominatis prefate ecclesie prediis uel iure quicquam tam in temporalibus quam in spiritualibus inuadere aut diminuere uel usui fratrum apostolica inibi uestigia seruantium subtrahere audeat uel presumat Si quis autem quod deus auertat ausu nefario hec transgressus fuerit si tercio conmonitus congrva satisfactione non emendauerit anathematis laqueo se irretitum et cum iuda pessimo mercatore partem habiturum indubitanter agnoscat Conseruantibus autem pax et misericordia a domino deo et in presenti et in futuro seculo conseruetur Amen Acto sunt hec Patavie Anno Incarnationis dominice MCCXX Indictione VIII Octauo Ydus Februarii apostolice sedis papa Honorio tercio Papatus vero sui anno IV regnante rege Friderieo II Nostri autem pontificatus Anno V Data Patavie per manum notarii nostri Chunradi Anno pontificatus nostri quinto Acta sunt hec Patavie Anno Incarnationis dominice MCCXXVII Indictione XV Duodecima Kalendas Novembris Apostolice sedis papa Gregorio VIIII Papatus vero sui anno primo Regnante Imperatore Friderico II Nostri autem Pontificatus anno VI Datum Patavie per manum notarii nostri Friderici feliciter Amen