Charter Document - 04210212

Richardus Dei gratia Romanorum Rex semper Augustus illustri Ottocaro Bohemie Regi charissimo Principi suo gratiam suam et omne bonum Cum regalis dignitas potestatis quondam quodammodo divine in terra Majestatis imaginem representet et quanto quis sue voluntati innititur tanto copiosiori bus gratis sue donis et insignioribus illustratur decens et congruum estimamus ut ad imitationem illius qui omnibus dat et nulli imperat illi nostra benignitas gratiosior atque benigni fidior semper illuceat qui nostre beneplacito voluntatis cum maiori liberalitate et prompti audine se conformat Hinc est quod cum nullius gratificationis muneribus sed proprie duntaxat virtutis et liberalitatis instinctu pellectus ad nostri cultum Domini sis conversus et promittas legaliter etiam deinceps nostre devotionis obsequiis et mandatis constanter et fideliter inherere Nos te ob hoc con dignioribus honoribus et gratiosi oribus beneficiis prosequi cupientes te de Principatibus Regni Bohemie et Marchionatus Moravie ac omnibus feudis dictis duobus Principatibus attinentibus quos et que clare memorie pater et progenitores sui juste et rationabiliter ab imperio tenuerunt authoritate presentium investimus tibique dictos Principatus et feuda simpliciter authoritate regia confirmamus Et quia non multum gratie tante potentie et claritatis viro per ista videmus impendere que constituit claros progenitores tuos officiosis laboribus et gloriosis actibus meruisse Nos te pro tue devotionis meritis plenius et insignius honorare volentes tibi et tuis legitimis heredibus qui tibi in bonis feudalibus secundum jus et constitutionem sacri Imperii de jure poterunt et habebunt succedere pro nobis et successoribus nostris Imperatoribus et Regibus Rom illos duos nobiles Principatus Ducatum videlicet Austrie et Marchionatum Styrie ad manum Imperii et nostram de jure libere devolutos cum omnibus feudis ad dictos Principatus pertinentibus ab Imperio debitis et consuetum teneri integraliter et simpliciter in feudum concedimus et donamus tibique et legitimis tuis heredibus quemadmodum est prescriptum jure et titulo feudali perpetuo possidendos Nulla igitur persona sublimis vel humilis ecclesiastica vel mundana presumat hujus nostre investitionis confirmationis et concessionis paginam infringere vel ei ausu temerario contraire Quod qui fecerit ipso facto se noverit bannum Imperii et nostre offensam Celsitudinis incurrisse In istorum omnium autem testimonium et evidentiam pleniorem presens inde conscribi et sigillo nostre Majestatis jussimus communiri Datum Aquisgrani IX die Augusti Indictione V anno Domini MCCLXII Regni vero nostri anno VI