Charter Document - 04330019

In nomine sancte et individue trinitatis Heinricus divina favente clementia rex Si de terrestrium rerum facultatibus nobis divinitus collatis ecclesias dei locupletare sub obtentu future remunerationis studuerimus decurso huius vite agone bravio indeficienti nos coronari non diffidimus Quapropter generaliter omnium pateat industrie qualiter nos interveniente dilecta coniuge nostra Cunigunda videlicet regina quoddam nostri iuris predium Slierbach dictum in comitatu Radpotonis situm in pago vero Oliupestale Iubensi acclesie ubi sanctus Rodbertus corporaliter requiescit pro redemptione anime nostre dilecteque coniugis per hoc regale testamentum donando firmamus cum omnibus appendiciis et utilitatibus eidem predio adiacentibus cum familia utriusque sexus cum areis edificiis terris culltis et incultis viis inviis exitibus et reditibus aquis earumve decursibus molendinis piscationibus silvis venationibus pratis pascuis conpascuis sive apium pascuis necnon cum omnibus que dici vel scribi possunt quoquolibet modo utilitatibus Precipientes igitur regali auctoritate iubemus quatinus Iubensis acclesie venerabilis archiepiscopus Hartuuicus suique successores liberam dehinc habeant potestatem possidendi edificandi commutandi precaricandi seu quicquid sibi libeat omni modo ad utilitatem monasterii de eodem predio faciendi Et ut hec nostre traditionis auctoritas stabilis et inconvulsa permaneat hanc cartam inde conscriptam manu propria roborantes sigillique nostri inpressione insigniri iussimus Signum domni Heinrici regis invictissimi Eberhardus cancellarius vice Uuilligisi archicapellani recognovi S Data VII id decembris indictione III anno dominice incarnationis MV anno vero domni Heinrici secundi regn[antis] V actum Merseburc feliciter amen