Charter Document - 04330021

In nomine sancte et individue trinitatis Heinricus divina favente clementia Romanorum imperator augustus Si venerabilia ecclesiarum dei loca alicuius doni largitione locupleta mus id profecto anime nostre proficere statumque regni nostri inde in melius vigere credimus et certe scimus Proinde omnibus Christi nostrique fidelibus pateat qualiter nos per interventum ac petitionem care coniugis nostre Chvnigvnde scilicet imperatricis auguste ac dilecti cappellani nostri Aribonis ad dotandum sancte Iuuauensis ecclesie monasterium a venerabili Hartvvico eiusdem loci archiepiscopo in honorem principis apostolorum Petri sanctique Rvodberti renovatum VI regales mansos in capite fluminis cuiusdam vulgari nomine Viscaha vocati sitos ubi vetustisimi antiquitus constructe ecclesie adhuc manent muri cum omni legalitate scilicet pratis pascuis silvis venationibus piscationibus aquis aquarumque decursibus molendinis agris cultis et incultis exitibus et reditibus et cum omnibus utensilibus ad predictos mansos pertinentibus regali ac imperiali potestate nostra in proprium concessimus atque donavimus ea ratione ut prenominati monasterii episcopus suique successores liberam exinde potestatem habeant utendi mutandi ad usum scilicet eiusdem monasterii Et ut hec nostre auctoritatis karta stabilis et inconvulsa permaneat omni ego hoc preceptum inde conscriptum propria manu confirmavimus et sigilli nostri inpressione insigniri iussimus ideoque quisquis precepti huius contradictor existat partem in eterno supplicio cum Iuda percipiat Signum domni Heinrici invictissimi Romanorum imperatoris augusti Guntherius cancelarius ad vicem Erkenbaldi archicappellani [re]cognovit Data VIIII kal mai indictione III anno dominice incarnationis millesimo XX anno vero domni Heinrici secundi regnantis XVIIII imperii autem VII actum Babunberch feliciter amen