utl logo
UTL Home | Ethiopia Images | Central and Inner Asia Studies

Charter Document - 04330045

Charter Number: 04330045
Cartulary Title: Geschichte des Salzburger Domkapitels 831 - 1300
Charter Language: Latin
Charter Origin: Religious
Charter Type(s): Confirmation
Date: 1140
Date Type: Internal, A.D., Regnal
Resource Link(s): Monasterium.net
map View Map
Charter:
In nomine sancte et individue trinitatis Omnium tam presentium quam futurorum noticie tradimus memorieque mandamus laudabile et memorabile factum cuiusdam viri ingenui Adelrammi nomine qui ob impetrandam delictorum suorum veniam et divine pietatis gratiam de prediorum suorum hereditaria possessione divinis obsequiis destinata ecclesiam honori beate dei genitricis Marie consecratam in loco qui dicitur Uvstriz cum omnibus ad eandem ecclesiam pertinentibus agriculturis videlicet locis silvestribus pascualibus piscalibus vinetis ceterisque quibuslibet humanis aptis usibus principali ecclesie Salzburgensis episcopatus scilicet laudi et honori sancte dei genitricis Marie sancti Petri sanctique Rodberti legitima et probabili delegatione tradidit hac ratione et conditione ut locus supramemoratus cum omnibus ad ipsum pertinentibus nullis umquam aliis nisi divinis servitiis mancipetur et sub regula beati Augvstini spiritaliter canoniceque in eo vivatur Porro hanc delegationem et potestativa manu celebratam traditionem presente firmante et stabiliente venerabili Salzburgensi archiepiscopo Conrado astipulantibus quoque honorabilibus episcopis Brixinense Reginberto et Gurcense Romano tali conditione in omnes posterorum successiones sanciri petivit ut si forte succedentium episcoporum aliquis iusticie regulam exorbitans supradictum locum eique attinentia aliis quam destinatis usibus addicere presumpserit hancque huiuscemodi delegationem cassare studuerit semel et secundo ammonitus et rogatus si irrevocabili pertinatia processerit quicumque coniunctiori hereditatis propinquitate accedere potuerit dato nummo aureo super altare prefate Salzburgensis ecclesie de episcopali potestate emancipare et divinis ut dictum est obsequiis separare potestatem habeat Ceterum ad intimandam tam future quam presenti etati rationabiliter facte rei certitudinem testium qui presentes fuerunt nomina subscripta et annotata sunt Rodolf de Botenstain Gotto de Loben Gotfrit de Wolfgerestorf et frater eius Rodolf Odalrich de Graci Dietmar de Liethtenstain Dietmar de Buhalarin Heinrich Ludewic Dieprant Etich Altman Rapholt Wernhart Gerunc Tiemo Raban Meginfrit Otto Laizo Wolfhere Liutwalch Heinrich de Buch Uvilhalm de Cliene Adelbero de Listach Altman de Grunebach Durinc de Brozzat Suitker de Wallestorf Perhtolf de Rotengrob Perhtolt de Tuifenbach Gotescalc de Teirenstain Lainfrit de Eppenstain Ortwin de sancto Petro Adelbero de Linte Adelbero dapifer Wisint de Pinzcowe Meingoz pincerna Rodolf de Dunesberc Gundarher de Linde Megingoz Actum Frisachie anno ab incarnatione domini MCXLIIII id ian indictione III regnante Chonrado III
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter