utl logo
UTL Home | Ethiopia Images | Central and Inner Asia Studies

Charter Document - 04330046

Charter Number: 04330046
Cartulary Title: Geschichte des Salzburger Domkapitels 831 - 1300
Charter Language: Latin
Charter Origin: Religious
Charter Type(s): Grant
Date: 1141
Date Type: Internal, A.D.
Resource Link(s): Monasterium.net
map View Map
Charter:
In nomine sancte et individue trinitatis Ego Chonradus sancte dei ecclesie Salzburgensis archiepiscopus Regimen ecclesie parienti mulieri potest comparari que si prolem non per cottidiana incrementa aluerit sed vim faciens ab lactaverit et rigorem teneritudini pretulerit se in culpam et fetum ponet in debilitatis ruinam Ita qui preest sancte dei ecclesie non subito nec quasi ex abrupto sed per gradus debet summum scale tranquillitatis et requiei scandere sic et nos sedem pontificalem adepti non meritis sed dispositione dei sensim et paulatim de multis quedam nobis obstantia superavimus et nunc verbis secundum blandiciem lactis nunc fortioribus iuxta grossitudinem panis ad bonum pacis et commodum difinitionis semper operam dedimus Unde dimissam nobis ab antecessoribus nostris beate memorie Gebehardo et Tiemone archiepiscopis controversiam diu ruminavimus et ex hoc in hoc inclinavimus Marchio enim Starchant et frater eius Werigant et subsequens huius filia Hemma nomine cum marito suo comite Wolfrado diutine nos pulsaverunt prediumque Cezt istis terminis signatum Wibestein et fonte marmoreo lapide signato usque ad crepidinem montis suum esse dixerunt sed referentibus aliis hoc pocius ad dominicale nostrum pertinere diu deliberavimus magnaque et frequentia concilia inde habuimus Defuncto itaque prefato marchione et fratre superstes filia Hemma cum iam dicto marito acrius institerunt sed per amicos inducti abdicando super reliquias beatissimi Rodberti his se non conditionaliter ab alienaverunt Verum tanti principis quem enutrieramue et ipsius domine tam morum quam generis nobilitate inspecta hoc quod causa nostri fecerunt sine recompensatione aliqua nequaquam esse pretereundum nostri omnes acclamaverunt Quid plura accepto consilio et mariti deinde uxoris hominio suscepto C mansus non de dominicali nostro sed de inbeneficiato quam cicius mors ullius liberi hominis nostri vacuum fecerit infra terminos Duri Cerwalt Hartberc et Lowenzen eis concessimus et si filium genuerint secundum morem beneficium patris et matris suscipiat sin autem filiam tantum dum vixerit habeat deinceps ecclesia sua recipiat et possideat Hec presenti pagine cum corroboratione impressionie sigilli nostri annotari fecimus et si morte prepediente ista non compleverimus successori nostro id supplere relinquimus Testes domnus Romanus Gurcensis episcopus comes Sigefridus de Liubenowe comes Poppo de Creine comes Otto de Ortenburc Otto de Machlant Heinricus Pris Meginhardus de Sconenberge Engilscalcus de Friesach Megingoz pincerna Adelbero dapifer Hertniht camerarius Gotfridus de Wietingen Rodolfus de Tvnesberc Wisinto de Bonegowe Otto de Richenbvrc Actum in presentia nostri Friesach anno domince incarnationis MCXLI indictione VIII
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter