Charter Document - 04340043
Charter Number: 04340043
Cartulary Title: Salzburg, Erzstift (798 - 1806 [1350])
Charter Language: Latin
Charter Origin: Religious
Charter Type(s): Permission
Date: 1191
Date Type: Internal, A.D., Episcopal
Resource Link(s): Monasterium.net
View Map
Cartulary Title: Salzburg, Erzstift (798 - 1806 [1350])
Charter Language: Latin
Charter Origin: Religious
Charter Type(s): Permission
Date: 1191
Date Type: Internal, A.D., Episcopal
Resource Link(s): Monasterium.net
View Map
Charter:
In nomine sancte et individue trinitatis Ego Albertus dei gracia Salceburgensis ecclesie archiepiscopus apostolice sedis legatus omnibus fidelibus salutem in perpetuum Laudande diffinitionis intentio cum bone voluntatis desiderio sacerdotalibus semper est studiis adiuvanda cum etiam est adhibenda sollicitudinis ut ea que laudabiliter sunt ordinata nec dissimulatio negligere nec aliqua valeat in posterum presumptio perturbare Verum cum nos pastoralis sollicitudinis cum respiciat et partem simus vocati ecclesiastice potestatis nobis incumbit venientibus malis occurrere et malignitates emergentes nostre discretionis providentia prevenire Inde est quod presenti pagine dignum duximus conmendandum et posteris nostris transmittendum quod dilectus nostro Hermannus archipresbiter et frater suus comes Otto de Ortenb[urch] ob redemptionem animarum suarum capellam cum hospitali in proprio fundo construxerunt et eidem capelle propria predia ad usus pauporum expendenda in dotem contulerunt Et quia piis peticionibus voluntarius prebendus est assensus inducti precibus prenominatorum fundatorum eandem capellam a iurisdicione matricis ecclesie sicut nostre est potestatis eximimus Liberam etiam indulgemus facultatem omnibus ad domum eorundem fundatorum pertinentibus cum illis qui aliquas possessiones ex devotione eidem capelle conferre voluerint ut ibi sepeliantur Preterea prenominatum comitem et omnes eius successores legittimos advocatos eiusdem hospitalis constituimus sicut iuris est fundatori retentis tamen prediis et reditibus sub nostre et nostrorum successorum potestatis tuitione Quod si heres malignari voluerit et in prediis grassandi libertatem quesierit a nobis coh[erce]atur et predia nostre tuitionis auxilio et nostrorum successorum defendantur Ut autem hec omnia rata et inconvulsa perpetua stabilitate permaneant presentem paginam impressione nostri sigilli munimus sub testimonio domini Dietrici Gurcensis episcopi Hartnidi Gurcensis prepositi Meinhalmi Frisacensis ecclesie decani et archidiaconi Echardi prepositi ecclesie sancte Marie in Solio Ortliebi archidiaconi de Uischa Bertoldi Gotfridi Richeri Pilgrimus isti sunt Frisacensis ecclesie canonici isti sunt testes capellani curie Poppo filius comitis Vdalrici Geroldus Chunradus Wernh[erus] Arnoldus vicedominus Adelungus Iohannes Rudolfus isti sunt fideles ecclesie sub quorum presentia actum est comes Engelbertus Aquileiensis ecclesie advocatus comes Vlricus et filii eius comes Gero comes Willehalmus Heinricus de Sappffenberch Wichardus de Karlesberch Hartwicus de Hardeke Colo et frater eius Gotfridus de Truchsen Swikerus et filii eius Almer[icus] et Otto isti sunt testes ministeriales ecclesie Fridericus de Betowe Chvno de Weruen Heinricus cast[ellanus] Rahwinus et frater eius Reinb[oto] Pabo et Chunradus et Heinricus fratres de Iune Marquardus Rudgerus Gerhous fratres Wolframmus dapifer Heinricus pincerna Heinricus et Liupoldus fratres de Walde et alii quam plures Acta sunt bec Frisac[i] anno d[ominice] incarnationis MCLXXXXI indict VIIII anno lun[aris] cycli XIII sol[aris] vero cycli XXIIII epacta XXIII Dat Frisaci in die cene domini per manus Echardi prepositi presidente ecclesie Romane domino Clemente papa III pontificatus eius anno IIII regnante domino Heinrico Rom[anorum] rege anno regni eius I quo post mortem patris profectus est in Ytaliam pontificatus autem nostri post reditum nostrum anno VIII