Charter Document - 04350002
Charter Number: 04350002
Cartulary Title: St. Paul, Benediktiner 1099 - 1300
Charter Language: Latin
Charter Origin: Religious
Charter Type(s): Decree
Date: 1201
Date Type: Internal, A.D., Calendar, Episcopal
Resource Link(s): Monasterium.net
View Map
Cartulary Title: St. Paul, Benediktiner 1099 - 1300
Charter Language: Latin
Charter Origin: Religious
Charter Type(s): Decree
Date: 1201
Date Type: Internal, A.D., Calendar, Episcopal
Resource Link(s): Monasterium.net
View Map
Charter:
In nomine sancte et indiuidue trinitatis Ego Eberhardus dei gratia sancte salzburgenfis ecclesie archiepiscopus et apostolice sedis legatus tam presentibus quam futuris in perpetuum In ampliandis locis vbi nomen domini inuocetur pie uota intentionis et commendabilem fundatorum deuotionem in omnibus laudandam et charitatis affecto amplectendam cognoscentes maxime vbi sacre proficit religioni uel religiosorum sustentationi operam adhibere et assensum prompte nostre uoluntatis prebere debemus Cum igitur monasterium sancti Pavli in quibusdam possessionibus quas in parrochia Lauentmunde habebat ecclesiam fundasset et a iurisdictione matricis ecclesie eximere illam intenderet preces nobis super hoc a prefati coliegio monasterij porrectas pie illorum deuocionis intuitu admittendas confiderauimus et capellani illam consilio chori ab omni interdictione matricis ecclesie cum consensv Gvndrami plebani facta libere in manus nostras iuris sui renuntiatione auctoritate nobis ex antiqua constitutione indulta exemimus ius ei et priuilegia que uniuerse solent habere plebes conferentes terminos plebesane iurisdictionis a fluuio Zvochen usque ad alium fluuium Wvodemunde assignantes Tertiam partem quoque decimarum quam in eisdem prediis sub tali terminorum assignatione cultis sev colendis matrix percepit sev percipere debuit ecclesia similiter de consensv predicti plebani liberauimus et hvic noue fundate plebi contulimus ita ut in episcopalibus in recipienda scilicet animarum cum quicumque in prefato monasterio fuerit abbas semper in prima sua institutione ad nos et successores nostros salzburgensis ecclesie archiepiscopos recursum habeat et qui tunc archiepiscopus presedebit abbatem prona deuotione hac plebe inuestiat nec negandi habeat potestatem Quoniam autem hec omnia preter canonicam fieri non poterant moderationem videlicet ut noua competens haberet subsidivm et antique grauia dampna non infligerentur in recompensationem dampnorum si qua matrix ecclesia pro tali exemtione sustinere posset de carentia utilitatis et prouentus que in temporalibus eorundem terminorum percipere poterat quatuor mansos in Livlich et reditus vnius fertonis abbas predictus cum consensv fratrum suorum antique parrochie pleno iure tradidit in proprietatem Que ut rata per posteros et inconuulsa permaneant stabilitate testimonio sigilli nostri roboramus auctoritate beatorum apostolorum Petri et Pavli pacis tranquillitatem et perpetuam firmitatem constituentes Quod si quis ea infringere attemptauerit anathematis se nouerit vinculo subiacere et indignationem omnipotentis dei sanctorum apostolorum Petri et Pavli beati Roudperti confessoris atque pontificis se sciat incursurvm Huius rei testes sunt dominus Waltherus Gvrcensis electus Wernhardus salzburgensis ecclesie prepositus Chvonradus Heinricus Wernherus Hartfridus Rodigerus Hermannus Otto Heinricus Perhtoldus Hartuicus Uvolcmarus Dietmarus Willehalmus Otto Hartnidus Chuonradus Salzburgenses canonici Chuonradus maioris ecclesie frisingensis prepositus Meinhalmus arcidiaconus Heinricus arcidiaconus Heinricus prepositus de solio Chuonradus de mvldorf Chuonradus de Sulzowe Ovlricus frisacensis Magister Rodpertus Engilbertus sacerdos Arnoldus plebanus de sancto Georgio Fridericus de petowe Otto de Chunigesperc Eberhardus et Hermannus de schonenstein Ekehardus et Heinricus de Libenz Ekehardus de tanne Albertus de Lichtberc Pabo de Hohenbvrch Otto de Lovngowe Acta sunt hec in frisaco anno ab incarnatione domini Millesimo CCI Indictione V Epacta XIIII Concurrente VIIVI Kalend Septembris Innocentio papa apostolice kathedre presidente Anno pontificatus nostri primo feliciter Amen