utl logo
UTL Home | Ethiopia Images | Central and Inner Asia Studies

Charter Document - 04350006

Charter Number: 04350006
Cartulary Title: St. Paul, Benediktiner 1099 - 1300
Charter Language: Latin
Charter Origin: Religious
Charter Type(s): Confirmation
Date: 1283
Date Type: Internal, A.D., Calendar
Resource Link(s): Monasterium.net
map View Map
Charter:
In nomine domini amen Anno natiuitatis eius Millesimo ducentesimo octuagesimo tercio indictione vndecima die fexto exeunte marcio in choro ecclesie sancti Pauli de Lauent presentibus dominis Leonardo priore de Grivinthal Chunrado plebano de Tyuin Andrea canonico de Jun Rodulfo dicto paget de Venzonis testibus et aliis Cum per cessionem seu resignacionem domini Hermanni olim abbatis sancti Pauli de Lauent monasterii idem monasterium abbate ac rectore vacaret et conuentus ipsius monasterii videlicet Reynardus prior nomine suo et domini Nicolai absentis qui vero ut dicebatur in hac parte comiserat uices suas Hermannus olim abbas Wolricus camerarius Pelegrinus supprior Henricus infirmarius Petrus Hartuicus Hermannus prouisor ecclesie sancti Laurentii Henricus hospitalarius Otto Rvbertus Chonradus custos Siuridus Degenhardus Gotfridus Henricus diaconus Chonradus diaconus et Chonradus subdiaconus confratres et monachi eiusdem monasterii ad eligendum postulandum seu prouidendum de abbate ac rectore ipsi monasterio conuenissent super hoc capitulo congregato communiter vnanimiter et concorditer omnes et singuli confratres predicti in venerabiles viros dominum Fridericum abbatem Mosacensem Johannem prepositum et Hartuicum canonicum de Grivintal conpromiserunt uoces et uices suas committentes eisdem ac etiam dantes ipsis plenam et uberam potestatem prouidendi supradicto monasterio de abbate ac rectore siue de gremio ipsius ecclesie seu monasterii siue aliunde prout eis uisum fuerit expedire promittentes illum in abbatem et rectorem recipere ac habere quem predicti domini Fridericus Johannes et Hartuicus vel duo ipsorum si omnes concordare non possent eligerent seu postularent canonice in abbatem et rectorem monasterii supradicti post quam electionem et compromissum prefatus dominus Fridericus suo et predictorum dominorum Johannis et Hartvici nomine inuocata spiritus sancti gratia deliberatione prehabita diligenti auctoritate eis tradita prout superius continetur ac nomine ac uice dictorum confratrum et ipsorum conuentus postulando elegit et eligendo postulauit dominum Dietricum prepositum de Wiechin in abbatem et rectorem monasterii sancti Pauli predicti sic dicentes in nomine patris et filii et spiritus sancti amen Nos Fridericus miseracione diuina abbas Mosacensis auctoritate nobis et dominis Johanni preposito et Hartuico canonico de Griuinthal in hac parte concessa pro nobis et ipsis ac nomine et uice dominorum Reynardi prioris Hermanni olim abbatis Wolrici camerarii Pelegrini supprioris Henrici Infirmarii Petri Hartwici Hermanni prouisoris ecclesie sancti Laurentii Nicolai Henrici hospitalarii Ottonis Rvberti Chonradi custodis Siuridi Degenhardi Gotfridi Henrici diaconi Chonradi diaconi et Conradi subdiaconi confratrum et monachorum monasterii sancti Pauli de Lauent eligendo postulo et postulando eligo dominum Dietricum prepositum de Wiechin in abbatem et rectorem ipsius monasterii seu ecclesie sancti Pauli quam quia electionem seu postulationem supradicti confratres ratam habuerunt et firmam pulsatis timpanis more solito te Deum laudamus canentes et ad maiorem euidentiam predictorum et stabilem firmitatem iusserunt presens instrumentum sigillo predicti conuentus muniri Et ego Conradus de Vtinis imperiali auctoritate notarius predictis interfui et rogatus scripsi
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter