utl logo
UTL Home | Ethiopia Images | Central and Inner Asia Studies

Charter Document - 04410036

Charter Number: 04410036
Cartulary Title: Charters of Bury St. Edmunds
Charter Language: English
Charter Origin: Religious
Charter Type(s): Will
Date: 1023 - 1038
Date Type: Assigned
Resource Link(s): Anglo Saxon Charters (S 1489) eSawyer (S 1489)
map View Map
Charter:
+ Her swytelað on þissum gewrite hu Ælfric biscop wille his are beteon þe he under gode geernode et under Cnute kyncge his leofue laforde et siþþan hæfð rihtlice gehealdan under Haralde cyncge þæt is þonne ærest þæt ic gean þæt land et Wilrincgawerþa into sancte Eadmunde for mira saule et for minas lafordas swa ful et swa forð swa he hit me to handa let et ic gean þæt land æt Hunstanestune be æstan broke et mid þan lande et Holme into sancte Eadmunde et ic wille þæt þa munecas on Byrig sellan syxtig punde for þan lande et Ticeswelle et et Doccyncge et þæt þerto geherað et ic gean Leofstane dæcane þæt land et Grimastune swa ful et swa forð swa ic hit ahte et ic gean mine cynelaforde Haralde II marc gol et ic gean mire hlefdigen an marc gol et gelæste man Ægelrice IIII pund mire fatfylre et sela man mine cnihtas þa mina stiwardas witan XXXX punda et fif pund into Elig et fif pund into Holm et fif pund Wulfwarde muneke minne mæge et fif pund Ælffæh min sæmestre et ic wille þæt man sella þæt land et Walsingaham swa man derast mage et gelesta man þæt feoh swa ic gewissod hæbbe et ic wille þæt man selle þæt land et Fersafeld swa man derast mæge et recna man iungere Brun an marc gol et mid þan laue scytte man mina borgas et ic gean Ælfwine minan preoste et Walsingaham XXX akera et Eggemera et Uui prouast habba þone ofaræcan et ic gean Ædwine muneke þæta mylne et Gæssæte þe Ringware ahte et ic gean Ælfwig preoste þæt land et Rygedune þe ic bohte to Leofwenne et ic gean þæt myln þe Wulnoð ahte into sancte Eadmunde et ic gean Sibriht þæt land þe ic gebohte on Mulantune et ic gean þæt fen þe Þurlac me sealde into Ælmham þa preostas to foddan et ic gean into Hoxne þa preostas an þusend werð fen et ic gean þæt fen þe Ælfric me sealde into Holme et ic gean þon hage binnon Norðwic for mire saule et for ealra þe hit me geuðon into sancte Eadmunde et ic gean þan hage into sancte Petre binnon Lunden et ic gean iungre Brune þæt healfe þusend fen
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter