utl logo
UTL Home | Ethiopia Images | Central and Inner Asia Studies

Charter Document - 04410038

Charter Number: 04410038
Cartulary Title: Charters of Bury St. Edmunds
Charter Language: English
Charter Origin: Religious
Charter Type(s): Will
Date: 0962 - 0991
Date Type: Assigned
Resource Link(s): eSawyer (S 1494) Anglo Saxon Charters (S 1494) British Library - Harley Ch 43 C 4 (f1r)
map View Map
Charter:
Þis is Æþelflæde cwyde þæt is ærest þæt ic gean minum hlaforde þes landes æt Lamburnan et þæs æt Ceolsige et æt Readingan et feower beagas on twam hund mancys goldes et IIII pellas et IIII cuppan et IIII bleda et IIII hors et ic bidde minne leouan hlaford for godes lufun þæt min cwyde Standan mote et ic nan oðer nebbe geworht on godes gewitnesse et ic gean þæs landes æt Domarhame into Glestingabyrig for Ædmundes cinges sawle et for Æadgares cinges et for mire sawle et ic gean þes landes æt Hamme into Cristes cyrcan æt Cantwarebyrig for Eadmundæs cinges sawle et for mire sawle et ic gean þes landes æt Wudaham Bæorhtnoðe æaldormen et mire swustær hyre dæg et ofer hire deg into sancta Marian cyrcan æt Byorcingan et ic gean þes landes æt Hedham Bæorhtnoðæ ealdormen et mire swuster hæora dæg et æfter hæora dæge into Paulusbyrig æt Lundænæ to bisceophamæ et ic gean þæs landæs æt Dictunæ into Ylig to sanctæ Æþælðryð et to hire geswustran et ic gean þara twegra landa æt Cohhanfeldæa et æt Cæorlesweorþe Bæorhtnoðæ æaldormen et miræ swuster hire dæg et ofer hire dæg into sanctæ Eadmundes stowe to Bydericeswyrðe et ic gean þæs landes æt Fingringaho Bæorhtnoðe æaldermen et mire swuster hiræ deg et ofer hire dæg into sanctæ Pætres cyrcan æt Myresigæ et ic gæan þæs landes æt Polstede Bæorhtnoðe æaldormæn et mire swuster hire deg et ofor hira dæg into Stocy et ic gæan þæs landæs æt Hwifersce into Stocy ofer minnæ deg et ic gæan Bæorhtnoðæ æaldermen et mire swuster þæs landes æt Strætforda hire dæg et ofer hire dæg Ic his gæan into Stocy et ic willæ þæt Lauanham ga into Stoce ofær þes æaldermannes dæg et mire swuster et ic gean þæs landes æt Byligesdynæ into Stocy ofer þæs æaldermanes dæg et mire swuster et ic gean þara landa æt Peltandune et et Myresige et æt Grenstede into Stocy ofer minnæ dæg et ofer Bæorhtnoðes æaldormannæs et ofær mire swuster et ic gean þes landes æt Ylmesæton Beorhtnoðe æaldormen et mire swuster hira dæg et ofær hira dæg ic his gæan Æadmundæ et ic an þæræ aræ hide æt Þorpæ into Hedlæge for mire sawle et for mira eldrena ofer [minne dæg] et ic gean ðæra X hida æt Wicforda Sibrihte minum mægæ ofer minne dæg et ic gean Ægwinæ minum geræfan þara IIII hida æt Hedham ofer miminne deg swa hit on æalddagum gestod et ic gæan Brihtwolde minum cnihtæ þara twegra hida on Dunninclande ofer minnæ dæg et ic an Alfwolde minum preoste twægra hida on Dunninglande ofer minne dæg et ic gean Æþælmære minum præoste twægra hida on Dunninglandæ ofæ[r] minne dæg et ic gæan Ælfgæate minum megæ twegra hida on Dunninglande ofar minnæ dæg et ic gæan ðæs landæs æt Wæaldingafælda Crawa mira magan ouær minnæ dæg et ic wille þæt man frigæ hæalue mine men on elcum tune for mine sawlæ et þæt man dele æal healf þæt yrue þæt ic hæbbæ on ælcum tune for mire sawle
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter