utl logo
UTL Home | Ethiopia Images | Central and Inner Asia Studies

Charter Document - 04460004

Charter Number: 04460004
Cartulary Title: Charters of Coventry
Charter Language: English
Charter Origin: Royal
Charter Type(s): Writ
Date: 1000 - 1043
Date Type: Assigned
Resource Link(s): Anglo Saxon Charters (S 1098) British Library - Add Ch 28657 (f1r) eSawyer (S 1098)
map View Map
Charter:
Eadward kyngc gret ædsiæ arcebiscop et ealle mine biscopes abbudes et eorles þeignes et scirgerefan et ealle mine holden freondlice ælce mannum gebyreð swyðe rihte ure drihten God luuien et hehlice weorðien et geornlice Godes lagum et anrædlice filgean et ælmesdæden georne befellen þurh hwan þæt he of synbænden hine selfne mote alynian For uræ Drihten on larspelle þuss cweð Gestrynað eow syluum mid ælmesdædum madme hord on heofonan and wunnungæ mid ænglum For hwilcæ neodlicum þingan icc kyþe eow eallum þæt icc ann mid fulre unne þæt þa ilcæ gyue þæ Leofric eorl et Godgyue habbeð gegiuen Criste et his leoue moder et Leofwine abbyde et þam gebroðran innan þam munstre æt Couæntree for hiere saule to helpe on lande et on loga on golde et on seolfre on madmen et on oðre eallum þingum swa full et swa forð swa hit heom sylfan on handen stod et swa hie þer mide þæne ilcan mynster wurðlice habbeð gegoded swa icc hit festlice getyþie et icc ann heom eft ealswa for minre saule þæt hie habben þer to fullne freodom saca et socna toll et team hamsocne forsteall blodwite fihtwite weardwite et mundbryce Nu willic henenforð þæt hit sye a muneca wunungc and standen hieo on Godes griðe et Sancte Marian et on minre æfter Sancte Benedictes regel on þære abbuden wealdunge et icc nelle nateshwon geþafian þæt ænig mann ætbrede oððe geutige heora gyue et heora ælmessæ oððe þæt þær ænig mann ænigne onstyngc habbe on ænigum þingum oððe on ænigum timan buton se abbud et þa gebroðran to þæs mynstres neodan et hwa sæ þas elmessæ mid ænige gode geece ece him Drihten heofona blissan et hwa se hieo ætbrede oððe þane mynster on ænigum þingum on ænigen timan awersie stande he on Godes ungriðe et his leoue moder et minre God eow ealle gehealde
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter