utl logo
UTL Home | Ethiopia Images | Central and Inner Asia Studies

Charter Document - 04550005

Charter Number: 04550005
Cartulary Title: Charters of Hereford
Charter Language: English
Charter Origin: Religious
Charter Type(s): Account
Date: 1016 - 1035
Date Type: Assigned
Resource Link(s): Anglo Saxon Charters (S 1462) eSawyer (S 1462)
map View Map
Charter:
Her swutelað on þissum gewrite þæt an scirgemot sæt æt Ægelnoðesstane be Cnutes dæge Cinges[] Ðær sæton Æðelstan biscop et Ranig Ealdorman et Edwine þæs ealdormannes et Leofwine Wulsiges sunu et Ðurcil Hwita et Tofig Pruda com þær on þæs Cinges ærende et þær wæs Bryning scirgerefa et Ægelgeard æt Frome et Leofwine æt Frome et Godric æt Stoce et ealle þa þegnas on Herefordscire[] Ða com þær farende to þam gemote Edwine Enneawnes sunu et spæc þær on his agene modor æfter sumon dæle Landes þæt wæs Weolintun et Cyrdesleah Ða acsode þe bisceop hwa sceolde andswerian for his moder[] Ða andsweorode Ðurcil Hwita et sæde þæt he sceolde gif he þa talu cuðe þa he ða talu na ne cuðe[] Ða sceawode man þreo þegnas of þam gemote þær ðær heo wæs et þæt wæs æt Fæliglæh þæt wæs Leofwine æt Frome et Ægelsig þe Reada et Winsig scægðman et þa þa heo to hire comon þa acsoðon heo hwylce talu heo hæfde ymbe þa land þe hire sunu æfter spæc[] Ða sæde heo þæt heo nan land hæfde þe him aht to gebyrede et gebealh heo swiðe eorlice wið hire sunu et gecleopade ða Leoflæde hire magan to hire Ðurcilles wif et beforan heom to hire þus cwæð her sit Leoflæde min mage þe ic geann ægðer ge mines landes ge mines goldes ge rægles ge reafes ge ealles þe ic ah æfter minon dæge et heo syððan to þam þegnon cwæþ doð þegnlice et wel abeodað mine ærende to þam gemote beforan eallum þam godan mannum et cyðaþ heom hwæm ic mines landes geunnen hæbbe et ealre minre æhte et minan agenan suna næfre nan þing et biddað heom beon þisses to gewitnesse[] And heo ða swæ dydon ridon to þam gemote et cyðdon eallon þam godan mannum hwæt heo on heom geled hæfde Ða astod Ðurcil hwita up on þam gemote et bæd ealle þa þægnas syllan his wife þa land clæne þe hire mage hire geuðe et heo swa dydon et Ðurcill rad ða to sancte Æþelberhtes mynstre be ealles þæs folces leafe et gewitnesse et let settan on ane Cristes boc
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter