Charter Document - 04650015
Charter Number: 04650015
Cartulary Title: Charters of Ramsey
Charter Language: Latin
Charter Origin: Religious
Charter Type(s): Declaration
Date: 0972 - 0992
Date Type: Assigned
Resource Link(s): eSawyer (S1371) Anglo Saxon Charters (S1371)
View Map
Cartulary Title: Charters of Ramsey
Charter Language: Latin
Charter Origin: Religious
Charter Type(s): Declaration
Date: 0972 - 0992
Date Type: Assigned
Resource Link(s): eSawyer (S1371) Anglo Saxon Charters (S1371)
View Map
Charter:
Ego Oswoldus Dei gratia Eboracensis archiepiscopus presenti scripto notum facio tam tibi carissimo amice dux Ailwyne quam toti curie Wygornie et omnibus amicis meis quod dilecti filii et fratres mei de Ramesie concesserunt mihi terram de Stum sub gratuita conditione qua pacifice inter nos poterit convenire hoc est spatio vite unius hominis cui eam tenendam dimittere voluissem cum instaura mento et rebus ad eam pertinentibus Qua propter carissime dux sub tuo et omnium vestrum testimonio concedo eandem terram Osulfo cognato meo in vita sua tenendam ita plane ut post ejus obitum cum instaura mento quod in ea invenerit et omni melioratione quo eam in vita sui meliorare potuerit ad honorem Dei et sancte Marie et omnium sanctorum pro mere et sue et ejus qui eam primo eidem ecclesie Ramesensi in testamento reliquit animarum salute in dispositionem fratrum et possessionem libera redeat et quieta Quicunque igitur hoc imminuere attentaverit aut immutare a consortio civium segregetur supernorum et cum angelis Sathane sit commoratio ejus in inferno misi in vita sua condigna satisfactione presumptionem temeritatis sue studuerit emendare Amen