Charter Document - 04740007
Charter Number: 04740007
Cartulary Title: Charters of Westminster
Charter Language: Latin
Charter Origin: Royal
Charter Type(s): Confirmation
Date: 0969
Date Type: Internal, A.D., Regnal
Resource Link(s): eSawyer (S 774) Diplomatics Annotated (brat) Anglo Saxon Charters (S 774)
View Map
Cartulary Title: Charters of Westminster
Charter Language: Latin
Charter Origin: Royal
Charter Type(s): Confirmation
Date: 0969
Date Type: Internal, A.D., Regnal
Resource Link(s): eSawyer (S 774) Diplomatics Annotated (brat) Anglo Saxon Charters (S 774)
View Map
Charter:
Regnante domino nostro Iesu Christo inperpetuum Aw Ego Eadgarus dei gratia anglorum rex omnibus episcopis abbatibus comitibus uicecomitibus centenariis ceterisque agentibus nostris presentibus scilicet et futuris salutem Dignum et conueniens est clementie principali inter ceteras actiones illud quod ad salutem anime pertinet et quod pro diuino amore postulatur pio auditu suscipere et studiose ad effectum perducere quatinus de caducis rebus presentis seculi que nunquam sine inquinamento et erumpna possidentur peccatorum emundatio et uite eterne securitas adquiratur iuxta preceptum domini dicentis date elemosinam et omnia munda sunt uobis Ergo dando elemosinam iuxta hoc ipsius dictum oportet nos mercari peccatorum nostrorum emundationem ut dum ecclesiis Christi impertimur congrua beneficia et iustas bonorum uirorum petitiones efficaciter audimus retributorem deum ex hoc habere mereamur Igitur postquam dono dei et paterna successione in regnum anglorum intronizatus et confirmatus fui ubi uidi ecclesias dei tam peccatis exigentibus quam crebris barbarorum irruptionibus dirutas et maxime sanctam et apostolicam uitam id est monachicum ordinem per omnes regni mei prouincias funditus deperisse grauiter dolens et consilium a sancto spiritu accipiens Dunstano archiepiscopo et Aþelwoldo Wintoniensi episcopo hoc negotium indixi ut omnia monasteria que intra terminum totius anglie sita set supra uel infra circumirent ac reedificarent et possessiones que ad fiscum redacte erant de ipsis monasteriis uel ab aliis secularibus potestatibus peruase ubicunque chartis uel testimoniis recognoscerent mea auctoritate freti ad integrum restituerunt Et tanquam dicente mihi domino a capite incipe inprimis ecclesiam domni et specialis patroni ac protectoris nostri Petri que sita est in loco terribili qui ab incolis Torneie nuncupatur ab occidente scilicet urbis Lundonie que olim id est dominice incarnationis anno DCIIII beati Ædelberti hortatu primi anglorum regis Christiani destructo prius ibidem abhominationis templo regum paganorum a Sæberhto prediuite quoddam subregulo Lundoniensi nepote uidelicet ipsius regis constructa est et non ab alio sed ab ipso sancto Petro apostolorum principe in suum ipsius proprium honorem dedicata dehinc ab Offa et Kenulfo regibus celeberrimis possessionum priuilegiis et uariis ornamentorum speciebus uehementer fuerat ditata et in qua sedes regia et locus etiam consecrationis regum antiquitus erat hanc precepi ut studiosius restruerunt et omnes possessiones eius readunarent et ipse de meis indominicatis terris aliquanta addidi et carthis atque legitimis testibus corroboraui Deinde succedente tempore concilio habito intra ipsam basilicam presidente me cum filio meo Eadwardo et eodem archiepiscopo uenerabili Dunstano et uniuersis episcopis et baronibus meis secutus exemplum maiorum meorum renouaui addidi et corroboraui carthas et priuilegia eiusdem loci et ad apostolicam sedem legenda et confirmanda transmisi atque legitima concessione in hoc modum astipulata recepi Iohannes episcopus urbis Rome seruus seruorum dei domno excellentissimo Eadgaro filio suo regi anglorum salutem et apostolicam benedictionem Quia literis tue celsitudinis fili kme nobis innotuisti de monasterio sancti Petri specialis patroni tui quod ab antiquis anglie regibus a potestate Lundonice sedis episcopi cum consilio pontificum eiusdem patrie fuerit ereptum et ab hinc sub regimine regum uel clarissimorum abbatum semper dispositum et postulasti a nobis ut priuilegium episcoporum de eodem monasterio factum nostro priuilegio immo magis apostolorum principis roboraremus auctoritate libentissime secundum tue beniuolentie petitionem facimus Auctoritate siquidem beati Petri apostolorum principis qui potestatem ligandi atque soluendi a domino accepit cuiusque nos uicarii existimus stabilimus ut ipse locus regum preceptis et priuilegiis apostolicis fultus per omnia tempora sine repetitione cuiuscumque Lundonice urbis episcopi aut alicuius iudiciarie potestatis uel cuiuscumque prepotentis hominis cuiusque ordinis uel dignitatis sit sed semper sicut preoptat et expetit beniuolentia tua ratus futuro tempore permaneat Venerabiles igitur eiusdem loci fratres idoneos ex se uel ex qua uoluerint congregatione abbates siue decanos sibi per successiones eligendi ex auctoritate huius sancte romane sedis et nostra sicut postulasti amplius habeant potestatem et ne impediantur apostolica auctoritate prohibemus neque per uiolentiam extranea persona introducatur nisi quam omnis concors congregatio elegerit Preterea illi loco quicquid contuleris uel collatum est uel conferetur diuina et nostra auctoritate roboramus priuilegia uero possessionum et dignitatum kmi fratris nostri uenerabilis Dunstani aliorumque fidelium ibidem indulta necnon et priuilegia uostra ad honorem dei pertinentia que ibi instituere uolueris gratanti affectu annuimus confirmamus et confirmando inperpetuum rata inuiolataque stare decernimus et infractores eorum æterna maledictione dampnamus Obseruatores autem huius firmitatis gratiam et misericordiam a domino consequi mereantur Causa g i infractionis nostri priuilegii ad posteros nostros perueniat Datur rauenne IX kl febr Cognoscat go magnitudo seu utilitas uostra quem decernimus et inperpetuo mansurum iubemus atque constituimus ut pro reuerentia reliquiarum gloriosissimi apostoli Petri et pro quiete monachorum ibidem deo famulantium honor et laus eidem ecclesie habeatur et observetur id est ut quisquis fugitiuorum pro quolibet scelere ad prefatam basilicam beati apostoli fugiens procinctum eius intrauerit siue pedes siue eques siue de curia regali siue de ciuitate seu de uilla seu cuiuscunque conditionis sit quocumque delicto facinoris cuncta nos uel succedentes reges anglorum uel cuncta alium quemlibet fidelem sancte ecclesie dei forisfactus sit relaxetur et liberetur et uitam atque membra absque ulla contradictione optineat Preterea interminamur diuina auctoritate et nostra ut neque nos neque successores nostri neque quilibet episcopus uel archiepiscopus nec quicunque de iudiciaria potestate in ipsam sanctam basilicam uel immanentes in ipsa uel in homines qui cum sua substantia uel rebus ad ipsam tradere uel deuouere se uoluerint nisi per uoluntatem abbatis et suorum monachorum ullam unquam haberant potestatem sed sit hec sancta mater ecclesia peculiaris patroni nostri beati Petri apostoli libera et absoluta ab omni inuasione uel inquietudine omnium hominum cuiuscunque ordinis uel potestatis esse uideantur In maneria uero uel curtes prefate basilice ubi et ubi in quascunque regiones uel pagos in regno nostro quicquid a die presenti ipsum monasterium possidere et dominari uidetur uel quod a deum timentibus hominibus per legitima cartharum instrumenta ibidem fuit concessum uel in antea erit additum uel delegatum nec ad c[a]usas audiendum nec ad fideiussores tollendos nec ad freda uel bannos exigendum et ad mansiones uel paratas faciendum nec ullas redibitiones requirendum infra immunitatem sancti Petri ingredi uel requirere quoquo tempore presumu[]ur sed quicquid exinde fiscus noster exauctare poterat omnia et ex omnibus pro mercedis nostre augmento sub integra et firmissima immunitate concedimus ad ipsum sanctum locum et inperpetuo confirmamus Concedo etiam et confirmo omnes libertates et donationes terrarum que a predictis regibus seu aliis sicut legitur in antiquo telligrapho libertatis ante me donate sunt scilicet Hamme Winintune Mordune Fentune Aldenham Bleccenham Loþereslege quas tamen uenerabiliter Dunstanus a me una cum predicto loco emerat necnon et libertates atque emptiones quas idem Dunstanus me concedente ab optimatibus meis mercatus est et quas etiam coram legitimis testibus sigillo suo et anulo episcopali ibidem in usum fratrum prefate ecclesie in perpetuam perstrinxit possessionem Nos itaque ad laudem nominis domini et ad honorem sancti Petri terras que hic karaxantur ibidem donauimus Holewelle Decewrthe Wattune Cillingtune Hec gi supradicta rura cum omnibus ad se pertinentibus et cum cenobio quod stana uocatur et omnibus sibi pertinentibus scilicet Tudintun Halgeford Feltham Ecelesford priscis temporibus ad eandem perhibentur ecclesiam sancti Petri pertinere sicut legitur ut diximus in antiquo telligrapho libertatis quam rex Offa illi monasterio contulit quando ecclesiis per uniuersas regiones anglorum recuperatiua priuilegia a Wlfiredo achiepiscopo hortante scribere iussit Quod cenobium Stanense iam olim regulari monachorum examine pollebat postea uero hostili quadam expeditione fratribus dispersis solotenus est diruta Hanc itaque eandem libertatem prefate ecclesie sancti Petri principis apostolorum concessi cui locus predictus qui templum fuerat dudum apollinis dei prouidentia nunc mirabiliter ab ipso clauigero est consecratus ac dedicatus quatinus ab omni seculari sit liber inperpetuum seruitute Et ne quis presentium uel magis futurorum ambiget que sit illa libertas quam amabiliter et firmiter concedo omnimodis cuncta illius monasterii possessio nullis sit unquam grauata honeribus nec expeditionis nec pontis et arcis edificamine nec iuris regalis fragmine nec furis apprehensione et ut omnia simul comprehendam nil debet exsolui nec regi nec regis preposito uel episcopo uel duci uel ulli homini sed omnia debita exsoluant iugiter qui in ipsa damnatione fuerint ad supradictum sanctum locum secundum quod ordinauerint fratres eiusdem cenobii Obsecramus etiam omnes successores nostros reges et principes per sanctam et indiuiduam trinitatem et per aduentum iusti iudicis ut qm ex munificentia antecessorum nostrorum ipse locus uidetur esse ditatus nullus episcoporum uel abbatem aut eorum ordinatores uel quelibet persona possit quoquo ordine de loco ipso aliquid auferre aut aliquam potestatem sibi in ipso monasterio usurpare uel aliquid quasi per commutationis titulum absque uoluntate ipsius congregationis uel nostrum permissum minuere aut calices aut cruces seu indumenta altaris uel sacros codices aurum argentum uel qualemcumque speciem ibidem collatam auferre uel alias deferre presumat Sed liceat ipsi congregationi quod sibi per rectam delegationem collatum est perpetim possidere et pro stabilitate regni nostri iugiter exorare quia nos pro dei amore et reuerentia sancti apostoli et adipiscenda uita eterna hoc beneficium ad locum ipsum terribilem et sanctum cum consilio pontificum et illus trium uirorum nostrorum procerum gratissimo animo et integra uoluntate uisi fuimus prestitisse eo uidelicet ordine ut sicut tempore predecessorum meorum ibidem chorus psallentium per turmas fuit institutus ita die noctuque in loco ipso celebretur Si autem quispiam hanc nostram auctoritatem uel immunitatem infringere uoluerit et alios ad hoc conduxerit unusquisque pro se ipso libras V partibus sancti Petri persoluat et ut dictum est quicquid exinde fiscus noster ad partem nostram separare poterat in luminaribus uel stipendiis monachorum seu et elemosinas pauperum ipsius monasterii perhenniter per nostra oracula ad integrum sit concessum atque indultum Et ut hec auctoritas nostris et futuris temporibus circa ipsum sanctum locum perenniter firma et inuiolata permaneat uel per omnia tempora illesa custodiatur atque conseruetur et ab omnibus optimatibus nostris et iudicibus publicis et priuatis melius ac certius credatur manus nostre subscriptionibus subter eam decreuimus roborare et de sigillo nostro iussimus sigillare Signum + Eadgari incliti et serenissimi anglorum regis Signum + Eadwardi eiusdem regis filii Signum + Æþelredi fratris eius + In Christi nomine ego Dunstan acsi peccator Dorobernensis ecclesie archiepiscopus hanc libertatem sancte crucis agalmate consignaui ac deinde secundum apostolici Iohannis preceptum obseruatores huius libertatis auctoritate qua perfruor a peccatis suis absolui infractores uero perpetim maledixi nisi resipiscant et III bus annis a liminibus sancte ecclesie sequestrati penitentiam agant + Ego Oswoldus Eboracensis archiepscopus Imposui + Ego Elfstanus Lundoniensis ecclesie episcopus Adquievi + Ego Athelþoldus Wintoniensis ecclesie episcopus Corroboravi + Ego Ælfstanus Rofensis ecclesie episcopus Supposui + Ego Æscwius Dorccensis ecclesie episcopus Impressi + Ego Ælfeagus Licedfeldensis ecclesie episcopus Consolidavi + Ego Æþelsinus Scireburnensis ecclesie episcopus Commodum duxi + Ego Wulgarus Wiltuniensis ecclesie episcopus Confirmavi + Ego Aþulfus Herefordensis ecclesie episcopus Ovanter divulgavi + Ego Æþelgarus Cisseniensis ecclesie episcopus Adnotavi + Ego Sigarus Willensis ecclesie episcopus Gaudenter conclusi + Ego Æluricus Cridiensis eccelesie episcopus Amen dixi + Ego Sigarus Ællmhamensis ecclesie episcopus Consigillavi atque cum prescriptis archiepiscopis et episcopis abbatibus luminibus accensis uiolatores huius munificentie dignitatis immo apostolici transgressores huius decreti in perpetuum excommunicentur nisi pretitulatam penitentiam resipiscendo peragant + Ego Folcmærus abbas + Ego Ælfric abbas + Ego Kineward abbas + Ego Osgar abbas + Ego Æþelgar abbas + Ego Sideman abbas + Ego Foldbriht [a]bbas + Ego Godwi[ne] [ab]bas + Ego Leofl[] abbas + Ego Þimer abbas + Ego Ældred abbas consensi et rege suisque precipientibus hanc libertatis singrapham scripsi anno dominice incarnatione DCCCCMLXVMIIII Indictione XII Idus mai Anno XIII regni regis Eadgari + Ego Ælfere dux + Ego Marchere dux + Ego Oslac dux + Ego Byrhtnod dux + Ego Osred dux + Ego Fordwine dux + Ego Friðelaf dux + Ego Ænulf dux + Ego Ælfeg dux + + Ego Þured presbiter + Ego Leoffa presbiter + Ego Wlstan presbiter + Ego Æþelbeald presbiter + Ego Wlfgeat presbiter + Ego Beremund presbiter + Ego Æþelsige presbiter + Ego Wineman presbiter + Ego Oswardus presbiter cum supra dictis et cum aliis C tum VII tem presbiteris infractores huius firmitatis excommunicentur Ad ultimum itaque una cum rege et filiis eius nos omnes confratres et coepi et cum tota hac populosa et sancta sinodo eiusdem loci omnes futuros abbates decanos atque prepositos contestamur ueretiam in nomine patris et filii et spiritus sancti prohibemus quatinus sacros illius ecclesie thesauros non distraat neque terras seu redditus uel beneficia in suis uel parentum suorum usibus stolide expendant neque a seruis dei que pro illis ibidem habetur substantiam subtrahendo minuant Quodsi aliquis presumpserit illum sicut uiolatorem atque transgressorem huius nostri decreti immo apostolici an summum iudicem cum uenerit seculum iudicare per ignem responsorum super hac re inuitamus Signum [] Gis