utl logo
UTL Home | Ethiopia Images | Central and Inner Asia Studies

Charter Document - 04740021

Charter Number: 04740021
Cartulary Title: Charters of Westminster [London]
Charter Language: English
Charter Origin: Royal
Charter Type(s): Writ
Date: 1044 - 1051
Date Type: Assigned
Resource Link(s): Anglo Saxon Charters (S 1121) British Library - Cotton Ch VII 6 (f1r) eSawyer (S 1121)
map View Map
Charter:
Eadward kyngc gret Rodberd biscop et Osgod Clapa et Ulf scirgereuan et ealla mine þeigenes et mine holdan freond on Middelsexan freondlice Ic kyþe eow þæt ic wylle et þæt ic ann þæt Sancte Peter et þa gebroþra on Westmynstre habben to heora bileouen þæt land æt Cealchylle et ealc þare þinga þe þær to mid rihte geburað mid lande et mid loge mid wude et mid felde mid mæde et mid læse mid mæste et mid æuesan et mid eallum þingum swa full et swa forð swa þurstan min huskarll hit furmest of me heold et into þære halgan stowwe geaf et ic þæs fullice geuþe And ic an heom eoft ealswa þæt hy habben þærofer saca et socna toll et team infangæneþeof et flemenefyrmðe et ealle oðre gerihtu on eallum þingum þe þar upp aspringað et æac swylce to þeosum lande mid fullan freodome ic ann þæt þridde treow et þæt þridde swiin of æuesan þæs nextan wudes þe lið to Kyngesbyrig se is gemæne swa he onn ældum timum gelegd wæs et for þann ic nelle nateshwon geþafian þæt æniman ætbrede oððe geutige an æker landes of wude oððe of felde þe he hæf þyder inn gegyfan oððe þæt þær æniman ænine onstyngc habbe on æningum þingum oððe on ænige timan buten se abbod et þa gebroþra to þæs mynstres neode And icc wille et fæstlice bebeode be fulre wite þæt þeos mundbyrdnesse beo strang et staþelfæst inn to þære halgan stowwe a on ece erfe Amen
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter