utl logo
UTL Home | Ethiopia Images | Central and Inner Asia Studies

Charter Document - 04740059

Charter Number: 04740059
Cartulary Title: Charters of Westminster
Charter Language: English
Charter Origin: Religious
Charter Type(s): Will
Date: 0975 - 1016
Date Type: Assigned
Resource Link(s): eSawyer (S 1487) Anglo Saxon Charters (S 1487) British Library - Stowe Ch 36 (f1r)
map View Map
Charter:
Her is on sio swutelung hu Ælfhelm his are et his æhta geuadod hæfð for gode et for wurulde þæt is þonne ærest his hlaforde an hund mancosa goldes et twa swurd et feorwer scyldas et feower speru et feower hors twa gerædode twa ungerædode et he gean for his sawle þæs landes æt Wrættincge into sancte Æþeldryðe buton þam twam hydon þe Æþelric hæfð et ic gean þæs landes æt Brycandune into sancte Petre to Westmenstre buton ic wylle þæt man mæste minum wiue twa hund swyna þænne þær mæsten sy þider hire leouest sy et ic gean Ælfgare minum suna þæs landes æt Hwipstede et þæs æt Wealtune his dæg et æfter his dæge ga hyt for uncra begra sawle þider him leouest sy et ic cyþe hwæt ic minum wiue to morgengyue sealde þæt is Beadewan et Burgestede et Strætford et þa þreo hyda æt Heanhealan et ic gef hire þa wyt ærest togædere comon þa twa hyda æt Wilburgeham et æt Hrægenan et þæt þærto lið et ic gean hire Carletunes et ic gean hire þæs heauodbotles æt Gyrstlingaþorpe et ealra þara æhta þe þæron standað mid mete et mid mannum buton ic gean Godrice et minre dehter healues þæs landes be wuda et be felda buton þam þe ic minum preoste gean et ic gean minum wiue et minre dehter healues þæs landes æt Cunningtune to gedale buton þam feower hydon þe ic Æþelrice et Alfwolde gean et þa healuan hyde þe ic gean Osmære minum cnihte et ic gean Ælfmære et his breðer Ælfstane þara twegra landa to gedale æt Hættanlea et æt Pottune buton þam þe ic Osgare gean et ic gean Godere þæs þe ic æt Wimunde gebohte et ic gean Leofsige Lytlanbyrig æfter minum dæge on þæt gerad þe þæt stande þe wyt beforan þan ealdormen lucan et ic gean him et his wiue þæs landes æt Stoctune wið an hund mancosa goldes et ic wylle þæt man selle minum hlaforde þæt gold to minum heregeatum et ic gean minum þrym broþron to gedale þæs landes æt Trostingtune buton þam þe ic gean Alfwolde þæs þe Æþelric hæfde et ic gean Ælfhelme þære hyde æt Icelingtune et þæs æt Mawyrþe et ic gean Wulfmære þæs þe ic æt Byornham hæfde et ic gean minre scæðe for mire sawle into Hramesege healfe þan abbode et healue þam hirede et ic gean minum wiue healues þæs stodes æt Trostingtune et minan geferan healues þe me mid ridað et fo min wif to healuan þe on wealde is et min dohter to healuan et ic wylle þæt min wif fo æfre to healfan æhtan on ælcon tune fo to lande se þe fo swa hio to forgyuen wæs Nu bydde Ic þe leof hlaford þæt min cwyde standan mote et þæt þu ne geþauige þæt hine man mid wuo wende god is min gewyta ic wæs þinum fæder swa gehyrsum swa ic fyrmest myhte et fullice hold on mode et on mægene et þe æfre on fullon hyldon hold et on fulre luue þæs me is god gewyta se man se þe minne cwyde wende buton þu hyt sy leof et ic hæbbe geleauan þæt þu nelle god afyrre hine of his rice buton he þe hraþor ongen wende et god et ealle his halgan gehealde æcne þara þe þærto gefyrþryge þæt he standan mote
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter