utl logo
UTL Home | Ethiopia Images | Central and Inner Asia Studies

Charter Document - 04810372

Charter Number: 04810372
Cartulary Title: Cartulaire de Notre-Dame de Chartres
Charter Language: Latin
Charter Origin: Religious
Charter Type(s): Notification
Date: 1282 Circa
Date Type: Assigned
Resource Link(s): Cartulaires d'Île-de-France
map View Map
Charter:
Ad Natale Domini fratres domini episcopi sive sit presens sive absens habent duo fercula vel unum frustrum carnis integrum vel ii denarios pro coquina si caro non sit in lardario et duos panes albos et dimidium sextarium vini Et totidem habent in die festi Circoncisionis Domini et in festo Epiphanie et in festo Purificationis et in die martis carni previi et in festo Annuntiationis beate Marie vel octo allecia vel duos denarios pro coquina et in Ramis palmarum habent totidem feria v in Cena Domini habent totidem feria vi in Parasceve si dominus episcopus sit absens habent tantum unum panem album si vero est presens habent duo allecia unusquisque et vini solitam mensuram Excellentissimo die dominice Resurrectionis habent sicut in Nativitate Domini et in die Ascensionis similiter et in die Penthecostes et die Nativitatis beati Johannis Baptiste et in festo Assumptionis beate Marie et in Nativitate beate Marie et in festo Mortuorum In hyemali in festo sancti Martini habet unusquisque dimidium sextarium vini et duos albos panes sine coquina nisi dominus episcopus sit presens Item accipiunt fratres domini episcopi in festo apostolorum Domini unum album panem scilicet ad festum apostolorum Symonis et Jude duos albos panes et ad festum apostolorum Petri et Pauli duos albos panes et ad festum apostolorum Philippi et Jacobi duos albos panes Preter hoc habent unum album panem a die dominica qua cantatur de Trinitate ante festum sancti Andree usque ad festum Purificationis Item a die dominica qua sacerdotes accipiunt carniprevium usque ad diem Rogationum unaquaque die dominica unum album panem preter hoc ad iiii Tempora anni unusquisque xii albos panes propter xii dies jejuniorum que in eis Quatuor Temporibus celebrant preter hoc in festo sancti Stephani prothomartyris quod est post Nativitatem Domini unum panem et in festo sancti Johannis apostoli unum panem et in festo Innocentium unum panem et in Nigris Rogationibus unum panem et in tribus diebus jejuniorum ante Ascensionem Domini iii panes preter hoc in octavo die Epyphanie unusquisque unum panem in octave die Pasche unum panem in octavo die Ascensionis unum panem in octavo die Penthecostes unum panem in octavo die Assumptionis beate Marie unum panem in octavo die Dedicationis unum panem in octavo sancti Martini unum panem in festo sancti Leobini in septembri unum panem in festo sancti Piati preter hoc quisque habet unam minam pisorum per annum vel in Adventu Domini dimidiam minam et in XL dimidiam minam Et quisque habet tres solidos pro pannis ad festum Nativitatis beate Marie et in singulis diebus dominicis i denarium absente episcopo et in festo sancti Laurentii unum panem Preter hoc si contigit quod aliquis fratrum infirmitate prematur dominus episcopus ei subvenire debet in necessariis et in sepultura si frater non habeat unde fieri possit Item fratres domini episcopi accipiunt bladum pro pane videlicet illi qui fuerunt de vii panibus x sextaria bladi et qui de ix panibus xiii sextaria bladi per annum recipiunt
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter